Del 8 al 17 d'agost de 2017, cada ser a 21h30, lo Grop ÒC presenta dins lo teatre Jean Deschamps
de la Ciutat de Carcassona l'espectacle son e lum Lumina.
Al programa : cavalièrs, bruèissas, dragons, unicòrns e autres animals fantastics, projeccions e efèctes especials, lo tot al servici d'una istòria que vos fa cabussar dins un raconte ligat a l'imaginari medieval dins un luòc unic al mond.
Amb Lumina, Cristian Salés signa un espectacle abans-gardista ont las proesas tecnicas permeton de viatjar dins l'imaginari medieval, mercés a de projeccions vidèos, dins un decòr encantarèl inspirat dels mites e legendas de l'Edat Mejana occitana.
Lumina, aquò's l'istòria d'un libre, vengut del passat, e de sos secrèts. Aquel libre serà lo fial menaire de l'espectacle.
Lo grop, que tornèt fa a l'identica los instruments dels Trobadors, mescla sus scèna, cants occitans e musica electronica, per illustrar las legendas e los sòmis qu'environan las populacions de Lengadòc dempuèi de sègles.
Lo collectiu d’artistas posa al mai prigond de sas originas per menar lo public dins un univèrs a l'encòp imaginari e misteriós.
Dintrada : 14 € ; mainatges : 6 € ; mens de 6 ans : a res-non-còst.
