Lo 15 e lo 16 de setembre de 2017 en ligam amb las Jornadas Europèas del Patrimòni e per favorizar l'encontre del public jove amb las òbras, los artistas e las culturas d’Occitània, lo CIRDÒC de Besièrs dobrís sas pòrtas.

Lo divendres 15 a 19h00 Culture à toutes les sauces conferéncia gesticulada de l’etnològa Anaïs Vaillant.

Se l'analisi de la cultura es sensada èsser son especialitat scientifica, l'etnològa desira tornar politizar aquela nocion e partejar son sentiment ambivalent de cap a una disciplina que considèra a l'encòp coma un produit de mantunas dominacions e coma un otís eficaç contra aquelas. Questiona enfin los agaches contemporanèus portats sus las culturas popularas e tradicionalas.

Dins aquela conferéncia gesticulada, l'etnològ mescla sabers teorics e experiéncias personalas per un questionament reflexiu sus la cultura e l'etnologia. Ensaja d'explorar aquela nocion de cultura a travèrs de son eiretatge familial, son percors de doctoranta, sas enquèstas de terren, sos contractes professionals...

Lo dissabte 16 se debanarà en partenariat amb lo CFPO la ceremònia de remesa dels diplòmas Escapolaire. D'autras activitats vendràn animar la jornada. Lo programa :

  • 14h00 - Animacion Teatrala a l'entorn de Quesacò e Mascomprès per la companhiá La Rampe-TIO.
  • 15h00 - Ceremònia de remesa dels diplòmas d'Escapolaire.
  • 16h00 - Animacions (musica, danças e cant) amb Laureen Tillier e las Farfantèlas.