Junh de 2018 – La vila de Tolosa publica lo
programa de las activitats festivas de l'estiu e per
l'ocasion comunica en occitan.
Tolosa Occitana
En 1218, los Tolosans meton fin al sèti menat pels Crosats e religan aital amb lo periòd de borbolh e de riquesa culturala que caracterizava la vida de la ciutat occitana abans la Crosada. Brilhanta, la civilizacion illustrada pels Trobadors servís de ligam entre lo passat Antic e la Renaissença que se sarra, mercés, tanben, als ligams establits amb las culturas presentas sul territòri.
En 2018, la Comuna de Tolosa se sasís d’aquesta data anniversari per afirmar son ambicion per la cultura occitana, a travèrs un temps fòrt festiu e plural, al son de las voses dels cantaires, dels passes dels dançaires, dels instruments de musica, de la fèsta e de la creacion. Un biais de far d’aquel patrimòni imaterial lo de totis, e de metre a l’onor la pluralitat culturala tolosenca.
