Fruch d'una collaboracion entre lo Musèu de la prefectura de Hyogo e lo Musèu Soulages, se tendrà fins al 4 de novembre de 2018 a Rodés la mòstra Gutai, l'espace et le temps.
Aquel eveniment concretiza lo prest d'un ensemble d'una vintena d'òbras del grop Gutai al musèu Soulages.
Lo musèu japonés que prèsta las telas, situat a Kobé, dispausa d'un fons important de pinturas ligat a aquel movement artistic : lo Gutai.
Nascut al Japon après la segonda guèrra mondiala, deu son nom al nom gu que vòl dire instrument e tai, lo còrs.
Los artistas d'aquel grop an definit de novèlas tecnicas : lo còrs èra utilizat coma instrument per pintra, aquel veniá alara part de la creacion ; podián tanben emplegar d'objèctes exotics coma de veituras telecomandadas o s'inspirar de la dinamica de fums.
La òbras presentadas a Rodés apartenon al periòde istoric de creacion del grop, los ans 50 e 60, levat per qualques òbras que datan de la fin del sègle XX, testimònian de la permanéncia del movement.
