Lo 8 de decembre de 2023 se debanèt a Lemòtges la primièra part de la conferéncia de Jan dau Melhau sus la creacion literària d'expression occitana en lemosin.
La segonda sesilha es prevista pel divendre 16 de febrièr de 2024 de 14h00 a 17h00 a la librariá occitana, 42, carrièra Viena Nauta a Lemòtges. Après èsser tornat sul periòde del barròc tardiu e de la renaissença felibrenca, Jan dau Melhau presentarà la situacion de la lenga entre 1850 e 1945.
La tresena part de la conferéncia serà presentada lo 12 d'abril ; l'autor tornarà sul periòde 1945 a 2024.
La participacion es pas liure, se cal inscriure. Còst : 5 € per sesilha.
L'eveniment es organizat per l'IEO del Lemosin dins l'encastre dels après-mièjorns occitan : cicle de conferéncias dedicat a la cultura occitana en Lemosin.
Jan dau Melhau nasquèt en 1948. Es escrivan, musician e editor (Lo Camin de Sent Jaume).
