06-11-2010 - Informacion - Besièrs : Claudi Alranc prèsta sa pluma a la vila de Besièrs.

"Aprèp d'escambis nombroses sus la situacion de la creacion regionala e lo ròtle iniciaire qu'aguèron istoricament las ciutats dins la vida culturala, la Vila de Besièrs pren una iniciativa originala, votada al Conselh Municipal. 

"Besièrs passa comanda de doas escrituras teatralas, l'una en occitan, l'autra en francés, a dos autors plan coneguts dels besierencs. S'agís pel francés de Jean-Pierre Pelaez, qu'escriurà una seguida al famós Barillet. Per l'occitan serà Claude Alranq del Teatre la Rampe TIO, que prepausarà un tèxt orientat cap a la relacion folastra entre mèstre e vailet.

"Aquela demanda de la Comuna de Besièrs es originala per mantunas rasons. Prepausa una iniciativa de dinamizacion de la creacion regionala e pas sonque una reaccion a de prepausicions. Originalitat de segur, per la presa en compte de las doas lengas, occitan e francés. Originalitat enfin, perque amb aquelas comandas a partir de l'escritura, la Vila pren lo procediment de creacion a la basa."

Sorsa TIO ligam


 

La comuna de La Seina comunica en occitan

La Seina

La vila de La Seina en Provença sul sieu site internet presenta cada mes dins la seccion D'aquí un article en occitan.

Montpelhièr : Ubisoft muda dins un bastiment novèl

La societat Ubisoft implantada a Montpelhièr ven de s'installar dins un novèl bastiment.

Lo musèu Carnavalet

Sul musèu Carnavalet a París, un article de Gui Matieu dins la revista parisenca Lo vira solelh numèro 51, tardor de 2016.

Extrach de 'La quimèra' de Joan Bodon

La Quimèra

Debuta del libre de Joan Bodon, La Quimèra (Edicions de Roergue, 1989)