Alara que de nòvas sanccions son en discussions a l'escala de l'Union, lo dijòus 7 d'abril de 2022, lo Parlament Europèu votèt per un arrèst total de las importacions de carbon, petròli, gaz e combustible nuclear russes.

Son 513 eurodeputats qu'an votats per la resolucion, 22 contra, 19 se son abstenguts. Aquesta votacion obliga pas a res, lo Parlament aguent pas aquí lo poder de decidir sol.

Dimars 5 d'abril la Comission aviá propausadas d'autras sanccions, notadament sul carbon e sul l'usatge per las naus afretadas per de russes dels pòrts de l'Union. Lo Parlament vòl anar mai luènh.

Los eurodeputats se son tanben prononciats per una augmentacion de las liurasons d'armament a Ucraina e per la mesa en plaça d'un « fons analòg al plan Marshall » per la reconstruccion futura d'Ucraina.