En 2021 l'Union Europèa e los Estats Units creèran lo CCT : Conselh del Comèrci e de las Tecnologias. A per vocacion d'assegura la susvelhança dels problèmas potentials que las evolucions geopoliticas a l'escala mondiala pòdon menar en matèria de comèrci e de tecnologia e d'organizar per l'Union Europèa e los Estats Units las responsas necessàrias.
Una reünion del CTT se tenguèt lo diluns 16 de mai de 2022 a Saclay en França. Foguèt l'ocasion de confirmar las cooperacions ja entamenadas per fin de relevar las escomesas que se pausan.
Los copresidents del CTT, Margrethe Vestager e Valdis Dombrovskis, an afortit lor volontat de sosténer Ucraina contra las agarridas russas. Es estat demai convengut d'afortir la cooperacion de l'Union Europèa e dels Estats Units per sosténer l'integritat de l'informacion en situacion de crisi en se donant los mejans d'identificar las manipulacions potencialas dels Estats, notadament de Russia : en situacion de crisi un malhum de cooperacion comun serà establit.
Las discucions portèran tanben sus lo contraròtle de las exportacions que son perturbadas en temps de guèrra, sus las cadenas d'aprovisionament, las nòrmas tecnologicas, o encara, la governança de las platformas numericas.