Torre Eiffel lo 01/01/2022
La Torre Eiffel lo primèr de genièr de 2022

Lo 1èr de genièr de 2022 debutèt la presidéncia francesa del Conselh de l'Union Europèa. Per l'escasença la Torre Eiffel se vestissiá de las colors de l'Union.

Emmanuel Macron presentèt lo dijòus 9 de decembre en conferéncia de premsas qualas serián las prioritats de sa presidéncia e rapelèt la velha del 1èr de genièr alara que presentava sos vòts per 2022 que voliá « far d'aqueste moment un temps de progrès ».

Ursula van del Leyen, presidenta de la Comission, declarèt de son costat sus Twitter lo 1èr de genièr que se rejoïssiá de trabalhar amb lo president francés per far abançar Euròpa. Desira amb el d'obrar « per una Euròpa mai numerica, ecologica e sociala, que la siá votz pòrte naut dins lo mond ».