La comunautat d'aglomeracion del sud-est tolosan desvelèt lo dimars 12 de setembre de 2017 los detalhs del projècte de reorganizacion del quartièr Enova Labège Toulouse.

Aquel ensemble dedicat a l'innovacion serà concebut al torn d'un Vilatge numeric que sus 100 000 m² serà consacrat a l'acuèlh de las jovas entrepresas e de grands comptes. L'idèa es de crear sul site un vertadièr ecosistèma, favorable a la creacion.

De lotjaments seràn tanben bastits, de comèrcis, mas tanben d'espacis per la restauracion e los lésers amb d'ostelariás e d'estructurass esportivas.

Aquel quartièr serà religat a la novèla linha del metropolitan de Tolosa, la tresena, dicha TAE (Tolosa Aerospace Express). Una estacion eponima, Enova, serà bastida.