L'electrolisador d'Hyd'Occ, es estat testat a la fin de l'an 2025 a La Novèla.
Sa capacitat serà dins un primièr temps de 20 MW e produsirà cada an 2 700 tonas d'idrogèn vèrd. Sa mesa en foncion es prevista pel mes d'avril de 2026. Dins un segond temps la capacitat del site serà portada a 40MW per una produccion de 5 400 tonas per an.
Lo projècte Hyd'Occ es portat al còp per Qair e Arec Occitanie. Permetrà de produsir d'idrogèn a destinacion dels transpòrts.
L'energia emplegada per la producion es d'origina renovelabla.
Lo projècte s'inscriu dins una dinamica globala a l'escala del continent. L'Union Europèa prevei lo desvolopament d'un corredor de transpòrt zèro emission dedicat a la mobilitat, religant la peninsula iberica al nòrd d'Euròpa. La Region Occitània es una de las primièra a s'èsser engatjada a lo desvolopar sus son territòri.
