Lo 17 de setembre de 2017 se tendrà la detzena edicion de la manifestacion
Chantar e dançar a Ostana.
L'idèa es simpla : passar una jornada en companhiá de la lenga e de la
cultura occitana a travèrs lo cant e la dança.
La jornada es pas dedicada a d'especialistas, mas a totes los que vòlon descobrir simplament la lenga e lo cant.
Aquò's una occasion tanben de descobrir a travèrs una passejada lo territòri d’Ostana amb sas carrièras sos luòcs simbolics e notament la magnifica realizacion de Bruno Bossa Il Bosco Incantato.
L’acamp se farà a 9h30 davant l'ostal de la comuna seguida de la passejada cantada per las carrièras, lo passatge al Bosc Enchantat per escotar los contes tirats del libre de Bruno Bossa La Volpe Furbetta legits per Paola Bertello que serà acompanhada a nivel musical per Luca Pellegrino.
Après lo despertin intra en scèna Piemonte Cultura amb lo Coro Merliner Ensemble de l'Officine Folk, puèi seguiràn concèrts e bals.
