Jòrdi Labouysse : 'Occitània, Moments d'histoire', 2023, Les trois colonnes
Títol del libre de Jòrdi Labouysse : 'Occitània, Moments d'histoire', 2023

Lo libre Occitània, Moments d'histoire de Jòrdi Labouysse publicat a la prima de 2023, recampa d'articles publicats entre 1980 e 2010 ligats a l'istòria dels païses occitans.

Aquestes an conegut dins l'istòria d'estructuras ligadas a la preséncia de populacions d'originas divèrsas. Se'n tròban las marcas dins los diferents parlar de la lenga occitana e dins la toponimia. Tot aquò testimòni de desplaçaments e de mestissatges umans al cors dels sègles.

Jòrdi Labouysse prenguèt consciéncia plan jove qu'aviá benlèu pas per aujòl qualques galleses blonds als uèlhs blaus, mas de grècs, d'ibères, d'aquitans, de wisigòts. Integrèt aquelas realitats dins son mestièr d'ensenhant.

A costat d'aquò escriguèt d'articles per de revistas culturalas. Tre la debuta de las annadas 2000, a la demanda de l'editor tolosan Francis Loubatières, publiquèt una istòria brèva dels wisigòts a destinacion d'un public larg. Respodent aital a una manca seriosa, pauc de personas coneissián aquel moment del passat occitan alara que Tolosa èra d'aquel temps, al sègle V, la capitala d'un reialme que s'estendiá de Léger a Gibraltar.

Après aver participat a l'escritura de mantun libre e documents sus l'istòria d'òmes e de femnas d'Occitània, Jòrdi Labouysse pensèt qu'èra temps de remosar qualques uns de sos articles en libre.

Jòrdi Labouysse : Occitània, Moments d'histoire

Jòrdi Labouysse : Occitània, Moments d'histoire, Les trois colonnes, mai de 2023,‎ 411 paginas.


Totèm : lo camèl de Besièrs

Camèl de Besièrs

En 2017 sortiguèt la revista Los rocaires numèro 2 amb de contes suls animals totemics.

Lo sens dels mots : unic/unenc e uman/omenenc

unic

Un comentari de Pèire Pessamessa sus l'emplec dels mots unic/unenc e uman/omenenc.

Tolosa : centre d'excelléncia de l'OTAN dedicat a l'espaci

Espaci

Al mes de julhet de 2023 se dubriguèt a Tolosa un centre d'excelléncia de l'OTAN dedicat a l'espaci.

Nòva : 'Lo cinc de junh' d'Ives Roqueta

Estiu

Dins la revista Letras d'òc numèro 1, de 1965, Ives Roqueta publicava lo tèxt : Lo cinc de junh.

Critica del libre de Joan-Maria Petit e Pèire Francés : 'Bestiari, aubres, vinhas'

Joan-Maria Petit e Pèire Francés : 'Bestiari, aubres, vinhas'

En 1979 la revista Aicí e ara publicava una critica de Maria-Clara Viguièr del libre Bestiari, aubres, vinhas.