Debutan lo divendres 2 de febrièr de 2024 las Setmanas Occitanas del Vilafrancat.
Per l'escasença l'IEO del Vilafrancat propausa : cinèma, musica, conferéncias, creacions cmusicalas, pictralas e teatralas. Seràn de mai festejats los cinquanta ans de cançon d'Eric Fraj
Programa :
- Divendres 2 de febrièr - 21h00, capèla Saint Jacques, concèrt, Pigüe Roergue, relacion novèlas, en partenariat amb l'associacion Subran e Art en Chartreuse.
- Dissabte 3 de febrièr - 20h00, a la mediatèca de La Fouillade. Geraud Delbes presentarà lo sieu libre Les mots d'ici. Sa presentacion serà seguida d'un concèrt de grop Qual Sap.
- Dimècres 7 de febrièr - 18h00 inauguracion e vernissatge de l'exposicion Setmanas de Jaumes Privat. 20h30, poesias, e improvisacions musicalas. Tèma : lo papièr es un bon ase.
- Divendres 9 de febrièr - 21h00 al teatre municipal de Vilafranca, concèrt d'Eric Fraj.
- Dimècres 14 de febrièr - Edith Bouygues contarà a La manufacture, L'enfant polit de Joan Bodon. L'eveniment serà seguit d'una iniciacion a las danças collectivas.
- Divendres 16 de febrièr - 20h30 a La Manufacture, conferéncia d'Antoine Charpentier e Igor Boyer sus las cabretas, bohas, bodègas e autres instruments d'aquel tipe.
- Dissabte 17 de febrièr - 17h30, cinèma, sala de las fèstas, projeccion de La Seria d'Amic Bedel.
- Dijòus 22 de febrièr - 20h30 a La Manufacture, lectura teatralizada, Que le ciel soit beau à force d'orages. Mesa en scèna e interpretacion d'Artús e Patrick Jan-George. D'après Loïsa Paulin e Antonin Perbòsc.
- Dissabte 24 de febrièr - 9h30-12h30 e 14h-16, sala de la fèsta de La Madeleine, estagi d'accordeon diatonic amb Rémi Geffroy seguit a 21h00, d'un concèrt de Camin Fasèm e de Venta Civada.
- Dissabte 2 de març - 19h00, librariá A la Source, poesia. Paulina Kamakine presentarà son trabalh d'escritura e de traduccion.
- Dimenge 3 de març - 15h00, sala de las fèstas de Compolibat, en partenariat amb Les Igues, teatre, Mongefavòl.
