USB-C
Esquèma d'un conector USB-C

La Comission Europèa trabalha sus una directiva per fin d'armonizar dins l'Union lo material per cargar los aparelhs portatius : tabeletas, telefonets... Presentèt sa proposicion lo dijòus 23 de setembre de 2021.

Actualament los tipes de conexion son multiples, los aparelhs son pas necessàriament compatibles, çò que genera la produccion d'un quantitat importanta de material que ven rapidament inutil : per cada aparelh son cargador.

La Comission propausa d'impausar un tipe de coneccion unic pels aparelhs comercializats dins l'Union. Los cargardors vendrián universals.

Es Thierry Breton comissari al mercat interior qu'es actualament responsable d'aquesta propausicion de lei. La directiva es en projècte dempuèi 2009. Margrethe Vestager, comissària responsabla de la concuréncia declarèt qu'aquò èra  « una victòria pels consomators e l'environament ». Segon ela los « europèus n'an pro dels cargadors incompatibles que s'amolonan dins lors tiradors ».

Abans son eventuala aplicacion la proposicion deu èsser examinada pel Parlament e pel Conselh.

Tres conectors son actualament en usatge : lo Micro USB, l'USB-C, lo Lightning. Es l'USB-C que causiguèt la Commission per èsser generalizat.


Lo teleferic urban de Tolosa es en construccion

Téléo en construccion

Per l'estiu de 2021 se dubrirà a Tolosa lo teleferic urban Téléo.

Istòria : correspondéncia entre Marius e Elisa Coutarel

Carta postala

La comuna de Montpelhièr valoriza la correspondéncia entre Marius e Elisa Coutarel.

Las estacions de taxis de Volocopter

La societat Volocopter basada en alemanha presentèt lo 17 d'abril de 2018 sa concepcion de las infrastructuras de transpòrt urban per dròne de deman : una combinason de Volo-Hubs e de Volo-Ports.

Espaci : CST-100 Starliner l'autra capsula

CST-100

La societat Boeing desvolopa la capsula CST-100 Starliner.