La societat AstroForge, segon son president Robyn Ringuette, prevei de tornar menar sus Tèrra de material minat dins l'espaci abans 2030.
Lo retorn es previst amb la mission DeepSpace-3.
Los engenhaires d'AstroForge ne son pel moment, al mes de mai de 2026, a preparar la mission DeepSpace-2 que deu debutar en 2027.
Aquesta prevei simplament d'ancorar un pichon vaissèl sus una asteroïde abans d'analisar la composicion de sa susfàcia e veire se conten de platin.
La mission serà tanben l'escasença de testar las tecnologias necessàrias per la mission DeepSpace-3 que prevei d'extraire de platin e de lo tornar sus Tèrra.
La primièra mission Odin d'AstroForge capitèt pas en rason de problèmas de comunicacion. Previsiá simplament de passar prèp d'una asteroïde.
