Dins lo sieu magazine del mes d'avril de 2019 la vila de Montpelhièr informava sus çò que nomenan « las arts urbanas ».

Una galariá de las arts de plen cèl

A Montpelhièr, las arts urbanas saupèron trapar una plaça en vila. L’Escudet notadament venguèt un dels escrinhs de tria de l’escèna street art. Una vertadièira galariá de las arts de carrièira de plen cèl, e a posita de cadun.

Se passejar per las carrièras e carrièrons de l’Escudet per i trapar totes los pegatges, estampons, graff, mosaïques e autras òbras esparpilhadas d’aquí d’enlà, es çò que fa la particularitat del Clapàs.

« Arts populars, a gratis, efemèrs, de còps anonims, que bolèga de longa, lo street art rend nòstra ciutat mai viva, e nos fa mirar la vila d’un biais diferent mercés a aquestas creacions que coloran nòstra vida vidanta e democratisan a bèls uèlhs vesent las arts » çò explica Silvia Leonard Seigneuret, artista e autora del libre Montpelhièr Street Art (Museo Edicions, 2018). « Aquestas òbras, d’una tras que bona qualitat artistica, forman al còr del Clapàs una constellacion de ponches de repèri insolites e familiars. »

D’òbras que la paternitat aparten a l’escèna clapassièra amb d’engenhs en pagalha. Sunra amb sos famoses còrs roges, Mai ! E sas ròcas coloradas que semblan damisèlas, Al amb sos pegatges e mai Jonnystyle (graff ), Mist (graff). Las filhas investisson tanben lo malhum amb Noon, Madama Mostacha o Zoleta...

Aquesta relacion singulara, nosada entre la vila e lo street art, s’exprimís tanben del costat del Merdançon. Vertadièr brèç de las arts de carrièra clapassièr dempuèi las annadas nonantas, dona de veire lo trabalh de mantunas generacions d’artistas. Fòrça galariás e associacions (Line Up, Montpelhièr Loves Street Art...) permeton a aqueste fuòc creatiu d’aver de bens.

Sosténer la creacion artistica

Aquesta disciplina artistica es activament sostenguda per la Vila amb mantunas visitas guidadas de l’Offici de torisme o del temps d’operacions dedicadas. En novembre passat, la faciada del gimnasi Joan-Bouin (barri Mosson) es estada ornada d’un graff per un street artista d’Heidelberg – Sweet Uno – dins l’encastre del bessonatge amb Montpelhièr. Lo Carrat Santa-Anna dobriguèt sas pòrtas, a l’estiu de 2015, a JonOne, primadièr del street art, puèi, en 2017, al Montpelhierenc Al.


Musica : entrevista de Guillaume Lopez

Guillaume Lopez

Dins son magazine del mes de novembre de 2019, la vila de Tolosa publicava una entrevista de Guillaume Lopez.

Sèrgi Gairal sus Cantalausa

Cantalausa

Après la mòrt de Cantalausa en 2006 Sèrgi Gairal que lo coneissiá plan publicava dins lo jornal La Setmana un omenatge.

Croàcia passa a l'èuro e intra dins l'espaci Schengen

Membre de l'Union Europèa dempuèi 2013, Croàcia emplega dempuèi aqueste 1èr de genièr de 2023 l'èuro coma moneda. De pèças novèlas son donc intradas en circulacion.

Critica del libre de Joan-Maria Petit e Pèire Francés : 'Bestiari, aubres, vinhas'

Joan-Maria Petit e Pèire Francés : 'Bestiari, aubres, vinhas'

En 1979 la revista Aicí e ara publicava una critica de Maria-Clara Viguièr del libre Bestiari, aubres, vinhas.

Lo pintre Pierre François

Presentacion de Pierre François, pintre originari de Seta, que a son biais participèt a la fin del sègle XX a l'accion occitana en illustrant de cobèrtas de libres.