L’Euroregion Pirenèus-Mediterranèa (EPM), amassant la Region Occitània, Catalonha e las Illas Balearas, organizèt l'an passat un primièr concors « Lengas » per la joventut. Ongan renovèla son iniciativa. A per tòca de recompensar de joves qu'afortisson la preséncia de l’occitan sus las rets socialas.
Pòdon participar al concors de projèctes existents o de projèctes creats per l’escasença, se lo contengut que publican corespondon als critèris del concors.
Objectius
- Valorizar l’usatge de la lenga occitana dins tots los sectors de la societat ;
- Encoratjar las iniciativas de la joventud que favorizan l’utilizacion de la lenga occitana en direccion dels joves sus Internet ;
- Far participar los joves, subretot dins lo contèxt de l’Annada europèa de la Joventud ;
- Motivar los escambis lingüistics e culturals entre las regions ;
- Sosténer los joves que crèan o presentan de contenguts de tota tematica suls malhums socials en occitan.
Qui pòt participar ?
Pòdon participar al concours totes los joves (personas individualas, grops informals o entitats) :
- de 14 a 18 ans (“linha 1”) ;
- de 19 a 30 ans (“linha 2”) ;
- los animators de perfil/cadena/fials suls malhums socials a l’entorn de la lenga occitana.
Los contenguts devon èsser en ligam amb lo territòri de l’Euroregion Pirenèus-Mediterranèa (Occitània, Catalonha, Illas Balearas).
Critèris de seleccion
Los critèris de seleccion son :
- Originalitat, coeréncia, qualitat e pertinéncia dels contenguts.
- Talha de la comunitat creada.
- La qualitat de l’iniciativa dels joves.
- Impacte positiu sus l’occitan dins la societat.
- Capacitat a atraire de publics nòvels.
- Poder de comunicacion.
Critèris d’evaluacion : 50 ponches
Valor euroregionala : 10 ponches.
Una apròchi en ligam amb las missions de l’Euroregion e la cooperacion interregionala e transfrontalièra serà avalorada positivament. Los contenguts qu’auràn sauput establir de ligams dins l’encastre de l’Euroregion (Generalitat de Catalonha, Islas Balearas e Region Occitània), o amb d’autres territòris ont las lengas catalana e occitana seràn remarcats.
Qualitat lingüistica : 10 ponches.
La Capacitat a generar un messatge jove/informal per un usatge modèrne e dins una lenga de qualitat.
Inclusion sociala e diversitat culturala : 10 ponches.
Capacitat a atirar l’interès de membres de divèrses grops socials e culturals.
Impacte : 5 ponches.
Capacitat dels contenguts a atirar de publics.
Originalitat de la proposicion : 5 ponches.
Proposicion singulara qu’utiliza de dinamicas innovantas.
Accessibilitat : 5 ponches.
Proposicions que prenon en compte la diversitat foncionala e s’adaptan a divèrsas capacitats.
Pluridisciplinaritat : 5 ponches.
Proposicions transversalas qu’encoratjan l'encontre entre la tradicion e la contemporaneïtat.
Categorias de prèmis
Linha 1 (14 a 18 ans)
Individual : Prèmi : 400€. Mencion : 200€.
Collectiu (projèctt o iniciativa portada per un grop de classa, amics…) : Prèmi : 625€. Mencion : 400€.
Organisme : Prèmi : 750€. Mencion : 500€.
Linha 2 (19 a 30 ans)
Individual (initiative individuelle portée par une personne physique) : Prèmi : 400€. Mencion : 200€.
Collectiu (projet ou initiative portée par un groupe de classe, amis…) : Prèmi : 750 €. Mencion : 500€.
Organisme : Prèmi : 625€. Mencion : 400€.
Calendièr Lo concors se dubrís lo 29 septembre de 2023. La recepcion e lo tractament de las candidaturas per la linha 2 (19-30 ans) se fan fins al 8 de genièr de 2024. La recepcion e lo tractament de las candidaturas per la linha 1 (14-18 ans) corrís fins al 12 de març de 2024.
