En 2022 IEO-Edicions publicava lo libre de Gerard Tautil, Contratèmps'. Es estat traduch en francés. En genièr de 2024 son autor informava sus aquesta nòva publicacion.
Adieu,
Mon darrier libre Contratemps, letras sus l’Occitania e l’occitanisme (IEO Edicions colleccion Ensatge 2023) que d’unei an legit es estat publicat tanben en francés a Presse fédéraliste, collection Minorités nationales. Junh de 2023.
Es un libre de reflexion e de proposicions, critic e constructiu sus la situacion d’Occitania e l’occitanisme d’ara.
Es subretot legit per de monde interessats per la question politica (l’Alan Roch n’e’n faguèt una lectura objectiva dins lo darrier Occitania-vvap, tanben positiva per la revista Fait des choses de Lion, mentre que la critica de la revista literària Lo Gai Saber ne’n retenguèt que la question culturala). Estonanta lectura selectiva que la question culturala, lingüistica es propriament politica e qu‘avèm aquí lei doas interfàcias de l’occitanisme modèrne.
Dos documents dins aquela publicacion : Les Gilets Jaunes de Gustau Aliròl e un tèxte de Martina Boudet sus la situacion deis autonomias d’Euròpa (solament dins la version francesa).
Vos convidi a legir e far legir aquest assai d’actualitat qu’es una convidacion collectiva a l’escambi. Ren d’autre.
E que 2024 vos permete la realizacion de vòstrei projècts !
Amistats
Gerard Tautil (genièr de 2024)
