Ursula von der Leyen anoncièt dimècre 10 de març de 2021 que quatre milions de dòsis suplementàrias del vaccin de Pfizer/BioNTech contra la covid-19 serián disponiblas pels païses de l'Union Europèa abans la fin del mes.
La reparticion se farà al prorata de la populacion dels estats membres de l'Union. Aquelas dòsis vendràn completar las que son ja previstas.
Malgrat la debuta de las vaccinacions a la fin del mes de decembre de 2020 la malautiá contunha de contaminar las gens. Son encara mai de 300 personas en França que ne morisson cada jorn.
Tres vaccins son ja autorizats e emplegats dins l'Union : los de Pfizer/BioNTech, Moderna e AstraZeneca. L'Agéncia Europèa del Medicament se debriá prononciar dins pauc de temps sus lo de la societat Johnson & Johnson.