Dimars 24 d'agost de 2021 la Nauta Autoritat en carga de la santat propausèt d'organizar per la personas de mai de 65 ans una tresena injeccion de vaccin contra la covid-19.

Aquesta injeccion se podriá far siès meses après la segonda. L'institucion propausa de la far del temps de la campanha de vaccinacion contra la gripa, campanha que debutarà al mes d'octobre.

La Nauta Autoritat preconisa tanben de permetre una tala injeccion a totes las personas que presentan de comorbiditats augmentant lo risc de desvolopar de formas grèvas de la malautiá.

Aquesta tresena dòsi èra ja prevista per las personas de mai de 80 ans e la personas imunodeprimadas.

Lo govèrn se deuriá prononciar sul subjècte abans la fin de l'estiu.

Lo virus responsable de la covid-19 es sempre present de pel mond e los Estats s'organizan per assajar de ne mestrejar los efèctes.