Per melhor aparar las gens contra la malautiá dicha covid-19 que dempuèi ara mai de dos an agarrís las societats nòstras las institucions recomandan de se far vaccinar.

De vaccins eficaces son disponibles dempuèi lo mes de decembre de 2020. Una part importanta de la populacion europèa es vaccinada. Son doas injeccions que son estadas fachas en primovaccinacion per los vaccins a ARN messagièr (Pfizer/BioNTech e Moderna) e per lo vaccin de AstraZeneca, un sola per lo de Janssen (Johnson & Johnson).

Per manténer lor eficacitat dins lo temps un rapèl es necessari. En França la Nauta Autoritat de la santat recomanda de far aquel rapèl. Son a se far dempuèi la fin de 2021.

Aquel rapèl concernís totas las personas de mai de 18 ans e los jovents de 12 a 17 ans imunodeprimats o a risc, qué que siá lo vaccin reçauput en primovaccinacion. Se compausa d'una dòsi de vaccin a ARN messatgièr de Pfizer/BioNTech o Moderna per las personas de mai de 30 ans, d'una dòsi de Pfizer/BioNTech per las personas de mens de 30 ans.

Los dreches son dubèrts tres meses après la fin del cicle de primovaccinacion. Après aqueles tres meses las personas an 4 meses per far lo rapèl e aital servar lo famós pass sanitari.

Un site dedicat es estat mes en linha per saupre exactament de que far en foncion dels vaccins ja reçauputs.

Aquel rapèl pòt èsser accompanhat de lo contra la gripa : un vaccin dins cada bras.