Lo dijòus 4 de març de 2021 l'Agéncia Europèa dels Medicaments (EMA) indiquèt que veniá de debutar son examen del vaccin Sputnik V.

Aqueste vaccin desvolopat per lo Centre National d'Epidemiologia e Microbiologia Gamaleya en Russia utiliza dos adenoviruses modificats. Es tanben dich Gam-COVID-Vac.

Segon l'EMA aquel vaccin permet la creacion pel sistèmi umunitari d'anticòrses que permeton de protegir l'organisme contra la malautiá covid-19.

Lo trabalh de l'EMA serà de s'assegurar de son eficacitat e de sa fiabilitat per una eventuala utilizacion dins l'Union.

Dos autres vaccins son en cors d'examen lo de CureVac AG e lo de Novavax CZ AS.

Lo vaccin de Johnson & Johnson (Janssen-Cilag International N.V.) es el a un nivèl mai avançat : l'estadi d'evaluacion per comercializacion.

Tres son ja autorizats e emplegats : los de Pfizer/BioNTech, Moderna e AstraZeneca.