Lo ministre de la santat del govèrn francés, Olivier Véran, anoncièt lo onze de mai de 2022 que lo pòrt de la masqueta seriá pas pus obligatòri dins los transpòrts en comun tre lo diluns 16 de mai.

Lo mètro, lo tren, los taxis, los autocars, los tramvais son concernits. Lo pòrt d'aquela proteccion demorarà pr'aquò recomandada per evitar la propagacion del virus de la covid-19 sempre present en Euròpa.

Aquò èra la darrièra granda restriccion encara en vigor en França. Implementada en 2020 aviá per objectiu de limitar la propagacion del la covid-19, malautiá virala que ne patís lo mond dempuèi la fin de 2019.