Dempuèi sa creacion l'Union Europèa progressivament se desvolopa e s'estructura. Actualament son 27 païses que la compausan.
D'autres la vòlon jónher e an ja debutadas las discucions per ne poder èsser membre.
L'intrada es sosmesa a diferentas condicions : lo respècte de l'estat de drech, lo país deu aver desvolopat d'institucions democraticas, los mèdias devon èsser libres, los dreches de las minoritats respectats, l'independéncia de la justícia deu èsser assegurada. L'Estat demai deu eficaçament luchar contra la corrupcion.
Aquelas exigéncias son al còr del procèssus d'accession e devon èsser respectadas per qu'aqueste pòsque venir a bona fin.
Nòu países sont actualament candidats : Albània, Bòsnia-Ercegovina, Georgia, Moldàvia, Montenegro, Macedònia del Nòrd, Serbia, Turquia e Ucraïna.
Kosovo depausèt sa candidatura mas a pas encara reçauput l'estatut de candidat oficial.
