Dimècres 20 de julhet de 2022 la Comission Europèa presentèt un plan d'urgéncia per fin de poder viure sens gas rus.

Segon la presidenta de la Comission, Ursula van der Leyen, un arrèst, partial o total, de las liurasons de gas rus es possible, e l'Union se deu organizar en consequéncia. Segon ela : « Russia emplega lo gas coma una arma. »

Los Estats son encoratjats a limitar lor consum de 15 % sus los uèch meses que venon. En cas d'alèrta la limitacion podriá venir obligatòria.

Son estudiats per cada sector d'activitat los domènis ont es possible d'esparnhar l'usatge de gas, de faiçon, se lo gas veniá a mancar pendent l'ivèrn, a poder agir sens tròp impactar los ciutadans e l'economia del continent .