Lo 12 de junh de 2026 Ursula von der Leyen comuniquèt sus la decision presa pels dirigents de l'Union Europèa de dobrir las negociacions d'adesion per Ucraïna e Moldàvia.
Escriguèt sul mèdia social X :
« Uèi, l’Union Europèa faguèt un pas màger endavant. Totes los Estats membres acceptèron de dobrir lo primièr nivèl de las negociacions d'adesion per Ucraïna e Moldàvia.
« A la primièra conferéncia intergovernamentala diluns, dobrirem lo capítol suls fondamentals ; colomna vertebrala del procèssus d'adesion. Cobrís las valors e principis de basa sus los quals l'UE es bastit, de l'estat de drech a d'institucions democraticas fòrtas.
Aquò's una reconeissença de la determinacion, del coratge mostrat e del dur trabalh menat pels dos païses per far avançar las reformas, quitament fàcia a d'immenses desfises. E un senhal qu'indica que las ofèrtas de l'UE, de patz, d'estabilitat e d'oportunitat, son incomparablas.
« L'agrandiment es una causida estrategica. En aprochant nòstras nacions, afortissèm la patz, la seguretat e la prosperitat sus nòstre continent. Dins un mond marcat per una incertitud creissenta, una Union Europèa mai granda es dins nòstre interès comun.
« L'agrandiment demòra un dels mai grand succès de l'UE e nòstre melhor investiment dins un futur partejat. »
Es lo diluns 15 de junh de 2026 que debutarà la conferéncia intergovernamentala formala ont debutaràn las discussions per las adesions d'Ucraïna e de Moldàvia.