Maveric
Lo Maveric © Airbus 2019

A l'escasença del salon de Singapor que se debanèt del 11 al 16 de febrièr de 2020, lo constructor Airbus desvelèt Maveric.

Èra present sul stand lo pichon aparelh de 2 mètre de long sus 3,2 mètres de larg. Capable de volar es actualament utilizat per far d'ensages. Aqueles se van perseguir entrò a la fin del mes de junh de 2020.

En foncion de las donadas reculhidas e del potencial de l'avion, lo desvolopament d'un tal veïcul per de besonhs comercials serà o non perseguit.

L'avion propausat es clarament en ruptura amb los modèls actuals : aquò's una ala volanta. Permetriá de redusir la consomacion de 20 %.

Un tal cambiament d'arquitectura representa pels industrials una escomesa. Cap encara gausèt pas s'aventurar dins un tal projècte. Totes los estudis afirman pr'aquò sa factabilitat.

Lo constructor europèu precisa : « Although there is no specific time line for entry-into-service, this technological demonstrator could be instrumental in bringing about change in commercial aircraft architectures for an environmentally sustainable future for the aviation industry. »

L'acronim Maveric o MAVERIC proven de : Model Aircraft for Validation and Experimentation of Robust Innovative Controls.


Airbus desvela sa vision del CityAirbus de deman

CityAirbus NextGen

Lo dimars 21 de setembre de 2021 Airbus desvelèt a Tolosa son projècte CityAirbus NextGen.

Carles Pons : diaspòra roergassa en Argentina

Clement Cabanettes, Pigüé

Un article de Carles Pons sus la diaspòra roergassa en Argentina.

Virgin Orbit pòt mandar de cargas en orbita

Virgin Orbit genièr de 2021

Pel primièr còp l'entrepresa Virgin Orbit posquèt mandar en orbita sos primièrs satellits.

Tolosa : veïculs autonòms

La region de Tolosa plan coneguda internacionalament per son expertisa en matèria aeronautica es tanben a s'impausar dins un autre domèni : los sistèmas embarcats.