La societat Anthropic publiquèt lo 4 de junh de 2026 un article per informar sus los potencials de son agent IA Claude.
Los redactors detalhan las capacitats de Claude per codar que se melhora rapidament. Los engenhaires d'Anthropic an començat de far codar Claude en 2025. Claude codava alara de causas simplas. Uèi en 2026, pòdon codar de projèctes consequents, non trivials, e la qualitat del contengut generat val çò qu'aurián fach de programators umans.
Evolucion de la productivitat d'un desvolopaire Anthropic © Anthropic
La societat alèrta tanben sus la rapiditat del movement. Los autors afortisson que, plan lèu, las IA se podràn desvolopar e ameliorar soletas fins a definir d'agents IA mai performants que los èssers umans. La foncion d'aquestes serà en consequéncia necessariament menada a cambiar.
Lo trabalh uman revendrà a far trabalhar d'agents IA e a orientar las recèrcas e los desvolpaments. Tot aquò plan segur pels trabalhs ont aquò serà possible. Mas aquestes dempuèi l'arribada del numeric e d'Internet son de mai en mai presents e occupan un part importantas dels trabalhadors.
Evolucion del trabalh segon Anthropic © Anthropic
Conscients dels dangièrs que representan los desvolopaments d'aqueles otisses novèls, los autors de l'article recomandan d'alentir los desvolopament de las IA. Aquò d'un biais coordenat entre totas las entrepresas en accion actualement dins lo domèni.
L'article es estat publicat sul site anthropic.com
Debuta de l'article publicat lo 4 de junh de 2026 © Anthropic
