Del 10 al 13 de julhet de 2021 se debanarà a Nimes l'Universitat Occitana d'Estiu

L'eveniment es previst ongan en presencial a l'ostal diocesan de Nimes. Lo subjècte ne serà : òme/animal quinas evolucions dins las relacions ?

L'animal, dometge o salvatge, real o imaginari, serà donc al centre d'aquesta universitat. Son totas las relacions qu'entretenèm amb los animals que seràn questionadas. Relacions nombrosas, los animals essent present amb nosautres pel trabalh o los lésers, fan tanben part de nòstra alimentacion, noirisson las nòstras cresenças.

Entre collaboracion, respècte, afrontament, paur o veneracion, son d'univèrs culturals multiples que dempuèi de milenaris se bastisson entre l'òme e l'animal. Diferents especialistas vendràn balhar a Nimes lors testimoniatges e analisis.

Aquí çai-jos qualques eveniments del programa :

  • Lo dissabte 10 de julhet, podretz ausir Josiana Ubaud parlar de las plantas preferidas del bestiari salvatge e de las plantas medicinalas pels animals.
  • Lo dimenge 11 de julhet Maria-Joana Verny presentarà lo bestiari dins la literatura occitana.
  • Lo diluns 12 de julhet, Margot Constans evocarà la falconeriá al sègle XII.
  • Lo dimarç 13 de julhet, Jean-Noël Pelen presentarà lo rapòrt entre las societats ruralas tradicionalas e lo « salvatge encantat ».

L'eveniment es organizat per la MARPÒC.

*

Universitat occitana d'estiu nimes 2021 Universitat occitana d'estiu nimes 2021

Critica del libre de Georges Labouysse 'Histoire de France, l’imposture'

Siege d'alesia, Vercingetorix Jules Cesar

Dins la revista Lo lugarn numèro 94 Cristian Rapin tornava sul libre de Georges Labouysse Histoire de France, l'imposture.

Totèm : l'agaça d'Abelhan

agaça

En 2017 sortiguèt la revista Los rocaires numèro 2 amb de contes suls animals totemics.

Union Europèa : ajudas a la infrastructuras de transpòrt

Ralh ferroviari

Lo dijòus 22 de junh de 2023 la Comission Europèa comunicava sus la politica de l'Union en matèria de transpòrt. Son 6,2 miliards d'èuros que seràn investits dins las infrastructuras.

Sus la Cançon de Santa Fe

Letrina Cançon de Santa Fe

Un article de la revista La Cigalo Narbouneso (abril de 1927, pagina 49). Autor : P. Albarel. L'ortografia del tèxt es estada corregida.

Sul telefilm de Jacques Malaterre, 'L'Assassinat d'Henri IV'

Lo rei Enric IV

En 2009 sortissiá a la television francesa lo telefilm L'Assassinat d'Henri IV.