Del 6 al 10 de julhet de 2019 se dabanava a Nimes la 43ena Universitat Occitana d'Estiu. Lo tèma ongan èra : Libertat e diversitat. Per l'escasença lo organizators comunicavan :
Nimes : UOE de 2019
Dempuèi mai de quarante ans, l'Universitat Occitana d'Estiu (UOE) de Nimes, portada per la MARPÒC, constituís un rendètz-vos estival a l'entorn de l'actualitat dels sabers, del debat d'idèas e del rencontre cultural. Se debanarà aqueste an del 6 al 10 de julhet a Nimes a l'entorn de la tematica : Libertat e diversitat.
Aqueste an de nòu, lo CIRDÒC-Institut occitan de cultura es partenari de l'eveniment. Amb lo sosten de la MARPÒC, lo Centre propausarà doas jornadas complètas de taulas redondas e de conferéncias dedicadas a la promocion d'iniciativas novèlas e estructurantas portadas dins los territòris occitanofòns. Los 8 e 9 de julhet, venètz i tornar trobar los actors claus de l'Occitània de uèi.
E coma totjorn, al long d'aqueles cinc jorns, conferéncias, taulas redondas, talhièrs... alternaràn en jornada amb los concèrts e espectacles propausats pendent la serada.
