Dins son numèro de genièr de 2020 la revista de la comuna de Narbona presentava lo projècte 50 ans de borbolh occitan :
50 ans de borbolh occitan
A l'iniciativa de l'INA, del CIRDÒC – Institut occitan de cultura, e en associacion amb l'Universitat Paul-Valéry de Montpelhièr, pendant mai d'un an de documentalistas, jornalistas, cercairas e cercaires cabussèron dins los desenats de milièrs d'archius dels dos establiments, las de l'audiovisual public per l'INA e las del movement occitan per lo CIRDÒC.
Resultat d'aquel trabalh extraordinari de recèrca, de seleccion e d'estudi de documents mesconeguts e de còps inedits, una fresca numerica ara accessibla a totes sus Internet que conta, vista d'aicí, d'Occitània, una autra istòria del mond contemporanèu, de sas evolucions socialas, intelectualas, artisticas, economicas e politicas.
50 ans de borbolh occitan es un projècte sostengut per la Region Occitània e l'Union Europèa, desvolopat dins l'encatre del projècte Occitanica +.
Per ne saupre mai [clicar]
