En 2021 al mes de junh sortissiá lo clip Holi-Hola de Joanda. Títol qu'interpretava amb Axelle Verdon. Lo magazine de la metropòli de Montpelhièr de l'estiu presentava lo projècte.

Holi-Hola, la capitada de l’estiu

Abans de descobrir 1000 ans, son album qu’espelirà dins l’annada, Joanda nos porgís son single Holi-Hola, en duò amb Axelle Verdon. Un single, mas tanben un clip que saique farà dançar aqueste estiu Occitània tota.

Vaquí un single cafit de lum e de solelh, un imne al viatge que s’escota e s’agacha sens relambi... Un títol que fai de ben, qu’enclausís e que vos enrebala. Aquò’s Holi-Hola, lo clip novèl compausat per Joanda, artista, poèta, autor, compositor occitan, interpretat en duò amb Axelle Verdon, candidata de l’emission The Voice sason 8.

Holi-Hola se vòl un imne saborós amb lo gost de la libertat, benvengut après aquela longa temporada de confinhament... De decòrs ufanoses, en ribas de Miègterrana ; de caras multiplas, de dansas alangoridas e sensualas... Amb un repic qu’a lo vam per reviudar los e las que la cultura li a desfautat, e tanplan los quites artistas.

« Al mes d’octobre, ai sortit Le Bonheur est fait maison, lo primièr single de l’album 1000 ans. Holi-Hola es lo segond, nos fisa Joanda. Aquò’s pas de rap-gangsta nimai de dance-pop, pas d’electro-swing nimai de new-reggaeton. L’ai pensat coma un duò. »

Aquela capitada de l’estiu tot en colors es cantada en òc, en espanhòl e en francés, coma una convidacion a la dobertura. Un cant frairenal, leugièr, fach de jòia e de desirança de rescontrar sos semblables e sas rasigas :

Apren-me aquelas nòtas
Que s’acordan amb tos passes
E las rasigas que renfortisson
Riquesas als brèces de nòstras memòrias...

Los dos interprètas de Holi-Hola – venguts de dos païses despariers – cèrcan a se descobrir, a conóisser melhor sa lenga, sa cultura, sas riquesas.

Holi-Hola ! D’escotar de longa, e, tot segur, fins en-delai de las confinhas occitanas.

Sorsa : magazine de la metropòli de Montpelhièr, julhet e agost de 2021, numèro 3.

[veire lo clip de Holi-Hola]


Peticion contra la fin de l'Estivada de Rodés : Gardarem l'Estivada

Gardarem l'Estivada

Après las anóncias del conse de Rodés, Christian Teyssèdre, al subjècte de las animacions estivalas previstas per la vila, que preveson la desaparicion de l'Estivada coma manifestacion culturala occitana, un collectiu s'organiza per son manteniment.

Critica del libre 'École, Histoire de France et Minorités nationales'

Ecole, Histoire de France et Minorités nationales, Napoleon Bonaparte

Critica per Romieg Pach del libre de Claude Gendre e Françoise Javelier : École, Histoire de France et Minorités nationales (Fédérop, 1978)

Los Païses Baltics son desconectats dels malhums electrics rus e bielorús

Electricitat, pilònes

Lo dimenge 9 de febrièr de 2025 son estats desconectats dels malhums electrics rus e bielorús los tres Estats Baltics, Estònia, Letònia e Lituània.

Vidèo : lo tambornet

Tambornet

Presentacion de jòc de bala al tambornet. Una vidèo del CIRDÒC.

Entrevista de Ernest Bergez, Sourdure

Dins son magazine dels meses de julhet e d'agost de 2019 la vila de Tolosa publicava una entrevista del musician Ernest Bergez, dich Sourdure, que presentava al mes de julhet son espectacles al Metronum.