En 2021 al mes de junh sortissiá lo clip Holi-Hola de Joanda. Títol qu'interpretava amb Axelle Verdon. Lo magazine de la metropòli de Montpelhièr de l'estiu presentava lo projècte.

Holi-Hola, la capitada de l’estiu

Abans de descobrir 1000 ans, son album qu’espelirà dins l’annada, Joanda nos porgís son single Holi-Hola, en duò amb Axelle Verdon. Un single, mas tanben un clip que saique farà dançar aqueste estiu Occitània tota.

Vaquí un single cafit de lum e de solelh, un imne al viatge que s’escota e s’agacha sens relambi... Un títol que fai de ben, qu’enclausís e que vos enrebala. Aquò’s Holi-Hola, lo clip novèl compausat per Joanda, artista, poèta, autor, compositor occitan, interpretat en duò amb Axelle Verdon, candidata de l’emission The Voice sason 8.

Holi-Hola se vòl un imne saborós amb lo gost de la libertat, benvengut après aquela longa temporada de confinhament... De decòrs ufanoses, en ribas de Miègterrana ; de caras multiplas, de dansas alangoridas e sensualas... Amb un repic qu’a lo vam per reviudar los e las que la cultura li a desfautat, e tanplan los quites artistas.

« Al mes d’octobre, ai sortit Le Bonheur est fait maison, lo primièr single de l’album 1000 ans. Holi-Hola es lo segond, nos fisa Joanda. Aquò’s pas de rap-gangsta nimai de dance-pop, pas d’electro-swing nimai de new-reggaeton. L’ai pensat coma un duò. »

Aquela capitada de l’estiu tot en colors es cantada en òc, en espanhòl e en francés, coma una convidacion a la dobertura. Un cant frairenal, leugièr, fach de jòia e de desirança de rescontrar sos semblables e sas rasigas :

Apren-me aquelas nòtas
Que s’acordan amb tos passes
E las rasigas que renfortisson
Riquesas als brèces de nòstras memòrias...

Los dos interprètas de Holi-Hola – venguts de dos païses despariers – cèrcan a se descobrir, a conóisser melhor sa lenga, sa cultura, sas riquesas.

Holi-Hola ! D’escotar de longa, e, tot segur, fins en-delai de las confinhas occitanas.

Sorsa : magazine de la metropòli de Montpelhièr, julhet e agost de 2021, numèro 3.

[veire lo clip de Holi-Hola]


Subre lo festenal de l'universitat Joan Jaurés 'L'Occitan fa punk' de 2022

L'occitan fa punk, Tolosa, 2022

Dins son edicion de novembre de 2022, lo jornal de la comuna de Tolosa, À Toulouse presentava lo festenal L'Occitan fa punk.

Vidèo : lo tambornet

Tambornet

Presentacion de jòc de bala al tambornet. Una vidèo del CIRDÒC.

Tolosa : centre d'excelléncia de l'OTAN dedicat a l'espaci

Espaci

Al mes de julhet de 2023 se dubriguèt a Tolosa un centre d'excelléncia de l'OTAN dedicat a l'espaci.

Prefaci de Felip Gardy a 'La quimèra' de Joan Bodon (1989)

La Quimèra

Per sa reedicion en 1989, las Edicion de Roergue accompanhava lo libre de Joan Bodon d'un prefaci de Felip Gadry.

Sus l'empec de la lenga occitana en sciéncia

tablèu

Un article de Felip Carbona publicat dins la revista Vida Nòstra en 1972, sus l'emplec de la lenga occitana en sciéncia.