Tèst del Starship SN8
Lo dimècre 9 de decembre de 2020 SpaceX efectuèt un ensag sus un dels prototips de son Starship, lo SN8.
En agost de 2020 la version SN5 efectuèt un vol cortet de mens d'una minuta que se terminèt plan, l'astronau se pausèt sens problèma. Èra montada a 150 mètres.
Amb aquel tèst sul SN8 (Serial Number 8) lo constructor èra mai ambiciós : s'agissiá de montar pus naut. Lo vòl aqueste còp durèt mai de sièis minutas.
L'ascencion, lo cambiament de posicionament de l'aparelh en altituda, son comportament aerodinamic, la precision de la trajectòria de retorn, tot aquò s'es passèt plan.
La recuperacion pr'aquò ela se passèt pas coma previst : lo veïcul alentiguèt pas pro e se venguèt espetar pel sol, explausèt literalament.
Un succès pr'aquò, los ingeniaires an poscut obténer las entresenhas que desiravan per poder melhorar l'aparelh. Lo prototipe SN9 es ja prèst.
Lo Starship a per vocacion d'assegurar de vòls long, come los trajèctes Tèrra, Mars, e pas simplament de misas en orbitas.
