La Chambra d’òc, per sostenir l’inscripcion de la Lenga d’òc dins la lista de l'UNESCO : Patrimòni Immaterial a risca d'extincion, e per contunhar d'obrar per la lenga après las manifestacions recentas "Anèm Òc ! per la lenga occitana" (Montpelhièr, Tolosa, Besièrs, Carcassona...) organiza cada an de caminadas.

Es un projècte concebut e représ dempuèi 2009 per l'IEO 04-05 Espaci Occitan dels Aups. Ongan, en 2017, se fa per la darrièra annada.

L'objectiu del projècte es de religar las Valadas Occitanas d’Itàlia als autres parçans d'Occitània. Per aquò far una marca de qualitat "Caminem per Òc !" es estada creada.

Las associacions, las comunas, las comunautats de comunas, los oficis del torisme, los pargues, los ecomusèus, los departaments, las regions e totes los que n’an l’enveja pòdon prepausar una iniciativa de caminada d’una jornada o mai. Basta d'indicar lo jorn, lo luòc e l’ora de partença amb una descripcion del percors, emai las entresenhas sus l’associacion o l’entitat responsable de l'iniciativa.

Las entitats qu’aderisson s’engatjan a botar la marca dins la publicacion de lor iniciativa e a far conéisser al public e als mèdias las amiras prepausadas.

L'objectiu es de rendre visible la lenga nòstra.

Passejadas de 2017 :

  • Dimècres-dijòus, los 16 e 17 d’agost de 2017 : « Agulha - Fonses de Cervièra - Agulha » amb una nuèch au refugi dels Fonses de Cervièra.
  • Dimars-dimècres, los 22 e 23 d’agost de 2017 : « Sant-Vran - La Chanal - Sant-Vran » amb una nuèch au refugi « Prat Morel / Pra Murel ».
  • Dimars-dimècres, los 29 e 30 d’agost de 2017 : « La Montaa - Ciabòt del Prat – La Montaa » amb una nuèch au refugi « Jèrvis ».
  • Dimars-dimècres, los 12 e 13 de setembre de 2017 : « Celhac - Maujacet - Celhac » amb una nuech au refugi C.A.F. de Maujacet, Ubaia n-auta.

[ligam]


Estudi : 'L'òme que èri ieu' de Joan Bodon e L'occitan coma metafòra

L'òme que èri ieu

Vincenzo Perez de l'Università degli Studi di Ferrara trabalhèt de 2015 a 2016 sul libre de Joan Bodon, L'òme que èri ieu.

Tolosa : Aplec de la sardana

Aplec de la sardana

Dins son magazine del mes de mai de 2019 la vila de Tolosa publicava una entrevista d'Estel Llansana que presentava l’Aplec de la sardana que s'anava debanar dins la vila.

Los Païses Basses e Danemarc mandaràn a Ucraina de F-16

F-16C

Dimenge 20 d'agost de 2023, Mark Rutte, primièr ministre neerlandés, anoncièt que de F-16, avion de combat de concepcion estatsunidenca, serián mandats a Ucraina per los Païses Basses e per Danemarc.

Ives Roqueta sus Frederic Mistral

Tresor

Un article de Ives Roqueta (junh de 1998). Sorsa : Lo Lugarn numèro 86/87, 2004.

'Los tres gendres del paure òme' : presentacion de Domenja Blanchard

Los tres gendres del paure òme

En 2008 sortissiá lo libre d'Ives Roqueta Los tres gendres del paure òme.