Lo dissabte 26 de mai de 2018 lo Centre Occitan Ròcaguda (COR) organiza una conferéncia sul tèma : Albi ciutat occitana.

La manifestacion se farà al Centre Cultural Occitan de l'Albigés, 28 carrièra Ròcaguda a Albi, a 17h.

Presentacion dels organizators :

« Segur pardí, sèm en Occitània ! Mas cossí trapar la preséncia d’aquesta lenga e cultura per de passejaires, emai per d’Albigeses ? N’es pas mai lenga de la vida vidanta. Alara, qual s’en servís e ont se parla ? Cossí aquò evoluís ?

« Una presentacion viva, en francés, plan illustrada de fòtos e de documents mai que mai inedits, amb la volontat de religar d’elements esparpalhats dins de libres o entenduts dins d’unas conferéncias : dels trobadors a l’epòca actuala, veirem l’accent, lo pastèl, los anissons, la literatura, los noms de carrièras... D’evidéncias d’unes còps e de donadas pauc conegudas a d’autres, las nosar per que l’ensemble trape sens.

« Serà dissabte, lo 26 de mai a 5 oras, al Centre occitan d’Albi, dins l’ostal Ròcaguda, aqueste amiral qu’a tant fait per sa vila e per l’occitan. Dintrada a gràtis e dubèrta a totes. Serà una passejada dins Albi e dins lo temps, amb la volontat de respondre a una question sovent pausada : finalament la lenga e la cultura occitanas, qu’es aquò, aicí e ara ? »

Bernat Lescalier


Los archius dels Amics de la lenga d'òc son al CIRDÒC

Fons Amic de la lenga d'oc

En octobre de 2017 los archius dels Amics de la lenga d'òc, l'antena parisenca del felibritge, son intrats dins las colleccions del CIRDÒC.

Extrach del libre de Josèp Maffre 'Lo conse malgrat el'

Cencha de conse

Un tèxt publicat dins la revista Lo Gai Saber en 1939.

Union Europèa : ajudas a la infrastructuras de transpòrt

Ralh ferroviari

Lo dijòus 22 de junh de 2023 la Comission Europèa comunicava sus la politica de l'Union en matèria de transpòrt. Son 6,2 miliards d'èuros que seràn investits dins las infrastructuras.

Agricultura : per estalviar l'aiga, lo palhatge

Palhatge dins un òrt

Aurelian Chaire dins l'enscastre de sos estudis en agricultura anèt trabalhar en Casamança. Dins l'edicion del 11 al 17 d'abril de 2014 del jornal La Setmana, presentava la tecnica del palhage.

Sul libre de Régine Lacroix-Neuberth 'Le Théatricule et le caleçon d'écailles'

Le Théatricule et le caleçon d'écailles

Critica de Robèrt Lafont del libre Le Théatricule et le caleçon d'écailles.