colloquiCollòqui de 2010 de l’Institut d’Estudis Occitans : lo desvolopament de l’acuèlh bilingüe dins lo domeni de la petita enfança. Lo 26 & 27 novembre de 2010 a l’IUFM de Privàs (07).

"Desvolopar formas d’acuèlh per la petita enfança bilingüas francés-occitan e en occitan : un enjòc màger per lo desvolopament dels enfants e per la transmission de la lenga occitana au sègle XXI. Qual interès per los mainatges ? Lo bilingüisme precòç, un avantatge per lo desvolopament cognitiu dels drollets de 0 a 3 ans. Ponchs de vista d’especialistes de la tematica : psicolingüistas, cercaires, praticians del bilingüisme precòç, mètge d’un servici de Proteccion Maternala Infantila.

"Coma prepausar e estructurar formas d’acuèlh bilingüas per la petita enfança ? Exemples de grèpias bilingüas francés-breton, francés-alemand, francés-italian. Exemple de grèpias immersivas en basc. Presentacion de la primièra grèpia bilingüa francés-occitan.

"Se parlarà de tot aquò los 26 e 27 de novembre a l'IUFM de Privàs en Ardecha a l’escasença d’un collòqui excepcional.

"Un lòc d’escambis. Aquel collòqui sarà un lòc d’escambis dubèrt a totes los qui son interessats per aquela tematica : parents, professionals de la petita enfança, elegits, mond interessats per lo bilingüisme e lo plurilingüisme, curioses... Volèm qu’aquel congrès siá la debuta d’una reflexion collectiva e del desvolopament vertadièr del bilingüisme francés-occitan dins las estructuras d’acuèlh de la petita enfança.

"Collòqui organizat per l’Institut d’Estudis Occitans, en partenariat amb lo Conselh General d’Ardecha, amb lo sosten de las Regions Ròse-Alps, Miègjorn-Pirenèus, Provença-Alps-Còsta d’Azur, Aquitània, Auvèrnhe, del Ministèri de la Cultura, e amb l’ajuda tecnica de l’IUFM d’Ardecha, del CDDP d’Ardecha, e de l’Institut d’Estudis Occitans d’Ardecha."

Lo programa complet es [aicí]

Entresenhas, inscripcions : IEO - 05 34 44 97 11 - This email address is being protected from spambots. You need JavaScript enabled to view it. - www.ieo-oc.org


Justin Bessou o cossí escriure la lenga nòstra (1903)

Civada coiola dins un camp de froment

Un tèxt de Justin Besson, testimoniatge preciós per saupre çò que cal pas far a l'escrich.

Sèrgi Viaule : critica de 'Bonjour tristesse'

Françoise Sagan

Dins lo numèro 144 de la revista Infòc de decembre de 1995, pareissiá la critica de Sèrgi Viaule del libre de Françoise Sagan paregut en 1954.

Tolosa : centre d'excelléncia de l'OTAN dedicat a l'espaci

Espaci

Al mes de julhet de 2023 se dubriguèt a Tolosa un centre d'excelléncia de l'OTAN dedicat a l'espaci.

Paulin Courtial : L'occitan conven perfièchament al ròck

CXK

En junh de 2022 Paulin Courtial èra en concèrt a Tolosa dins son numèro 89, lo jornal de la comuna, À Toulouse, presentava lo cantaire.

Pedagogia : 'Enfanças'

En 2012 lo Centre Regional de Documentacion Pedagogica (CRDP) de l'acadèmia de Montpelhièr publicava un document a destinacion dels joves lectors Enfanças.