Lo 30 de junh de 2022 la Region Occitània
comuniquèt sus son intencion de venir neutre en emission carbòni e sobeirana en matèria energetica.
L'executiu occitan prevei per aquò far dètz mesuras :
- ajudar los ciuadans a crompar un veïcul electric o ibrid via un ecochèc ;
- multiplicar per dos lo nombre de bòrnas per cargar los veïculs electrics ;
- facilitar l'utilizacion pels seniòrs, dels transpòrts collectius de la region ;
- ajudar a la renovacion energetica dels lotjaments dels particulars (plan Renov'Occitanie) ;
- ajudar los professionals a crompar un veïcul electric ;
- ajudar las entrepresas a melhorar l'eficacitat energeticas de lor bastiments (l'ajuda pòt montar fins a 10 000 èuros) ;
- ajudar especificament de projèctes pesucs de renovacion o de modernizacion de sites industrial amb FITEEO ;
- butar e ajudar las collectivitats a realizar d'òbras de renovacions energeticas ;
- encoratjar los projèctes ciutadans per produsir d'energia renovelabla ;
- organizar d'assisas regionalas de la joventud a la fin de 2022, luòc d'escambi e de concertacion sul tèma de la transicion energetica.
L'accion de la Region se concentra al còp suls particulars e las entrepresas per far mermar lo consum e produsir. A pas pr'aquò totas las claus en man per poder agir, l'Estat essent responsable dels mejans que premetrián d'ajudar al desvolopament de l'autoconsum fotovoltaïc de las familhas, del desvolopament de l'eolian terrèstre o flotant o encara del desvolopament d'un malhum de transpòrt d'idrogèn.