Jean Vilar

Dins lo sieu magazine del mes de febrièr de 2019 la vila de Montpelhièr comunicava en occitan sul teatre Jean Vilar. Tornam editar çai-jos lo tèxt.

Escèna viva e creativa al teatre Jean Vilar

Lo teatre municipal Jean Vilar creat en 1996 dins lo chai de l’ancian mas de La Palhada es un actor màger del dinamisme del barri Mosson. Las activitats culturalas prepausadas per l’establiment s’articulan a l’entorn de quatre aisses : la difusion, la creacion, l’accion culturala e l’education artistica.

Luòc de vida e de cultura dobèrt al territòri e a sos estatjants, lo teatre Jean Vilar ten una filosofia : rendre accessible son ofèrta culturala a cada mena de public e obrar per la sensibilisacion a las arts. Sus l’empont del teatre, que compta 374 plaças, se succedisson d’a mesura de la sason : teatre, musicas del mond e cançons franchimandas, circ nòu, espectacles jovent...

21 000 espectators annadièrs

Una diversitat qu’agrada, ne testimònia la frequentacion que tòca gaireben 21 000 espectators annadièrs, e notadament la joventud. En 2018, son 4 986 escolans e 1 500 acompanhaires qu’assistiguèron als espectacles o participèron a de projèctes. Cada annada fòrça estagis e talhièrs son prepausats en partenariat amb d’associacions, EHPAD, Ostals per totes, o d'autras estructuras culturalas coma l’Opèra e lo Conservatòri de Montpelhièr. Al còr d’aquestas accions, los grands mots son sempre : encontre e convivéncia. Rai que son las creacions compartidas que constituïsson lo simbòl de l’integracion d’aqueste teatre al còr de Mosson.

Començat fa sièis annadas, aquestas creacions collectivas demest artistas professionals e estatjants del barri son, segon Frantz Delplanque, director del teatre : « de bofigas de creativitat collaborativas demest artistas e estatjants. L’an passat, lo trabalh amb una còla feminina de foot permetèt de polits que polits moments de convivéncia, de jòc, de paraulas. Ongan, Molière serà a l’onor. Los estatjants van participar a la reescritura d’Amphitryon e lor creacion collectiva serà presentada al teatre en mai. »

Projèctes collaboratius, residéncias, creacions

Autre ais màger de la politica culturala del teatre Jean Vilar, lo sosten a la creation artistica e a las autras còlas regionalas. Cada annada, la còla acompanha d’artistas dins lor projèct de creacion. Las còlas aculhidas en residéncia trabalhan amb la còla tecnica sus l’empont del teatre. Coproductor d'espectacles, Jean Vilar sostenguèt set creacions del temps de l’annada 2017-2018. Un acompanhament a l’encòp logistic e financièr que, per exemple, permetrà a Après la neige, espectacle nascut sus l’empont del teatre de la Palhada, de perseguir son camin sus las escènas del festenal Off en Avinhon.


Tolosa : Aplec de la sardana

Aplec de la sardana

Dins son magazine del mes de mai de 2019 la vila de Tolosa publicava una entrevista d'Estel Llansana que presentava l’Aplec de la sardana que s'anava debanar dins la vila.

Lo musèu Carnavalet

Musèu Carnavalet a París

Sul musèu Carnavalet a París, un article de Gui Matieu dins la revista parisenca Lo vira solelh numèro 51, tardor de 2016.

Croàcia passa a l'èuro e intra dins l'espaci Schengen

Membre de l'Union Europèa dempuèi 2013, Croàcia emplega dempuèi aqueste 1èr de genièr de 2023 l'èuro coma moneda. De pèças novèlas son donc intradas en circulacion.

Max Roqueta e lo roman

Mièja-Gauta

Lo tèxt çai-jos es extrach de la plaqueta de presentacion de la mòstra : Max Roqueta, la libertat de l’imaginari, que se debanèt en 2014 e 2015 a Montpelhièr.

Montpelhièr : mòstra 'Lynne Cohen. Doble òrb 1970-2012'

Lynne Cohen Corporate Office

Del 27 de junh al 22 de setembre de 2019, lo Pavillon Populaire, espaci d’art fotografic de la Vila de Montpelhièr, aculhissiá la mòstra Lynne Cohen. Doble òrb 1970-2012.