europa29/03/17 - L'Union s'estrechonís un briat. Lo dimecres 29 de març de 2017 lo govèrn del Reialme Unit via son ambassador Tim Barrow, a notificat oficialment a Donald Tusk, president del Conselh Europèu, la siá volontat de sortir de l'Union Europèa.

Se dubrís ara un periòde de negociacions que pòt durar fins a dos ans. Aquelas negociacions auràn per tòca de precisar las condicions de sortida.

oc-2017Lo collectiu 2017OC questiona los candidats a l'eleccion presidenciala francesa.

De seguir aquí [site] e [twitter] 

 

elen30/03/17 - L'ELEN (European Language Equality Network) e l'IEO (Institut d'Estudi Occitan) an adreçat als candidats a l'eleccion presidenciala una letra.

La tòca es d'aver lo posicionament de cadun rapòrt a las lengas minorizadas en França metropolitana e d'otramar.

occitania-catalonha-201719/02/17 - La presidenta de la region Occitània, Carole Delga, e lo president de la Generalitat de Catalonha, Carles Puigdemont, an signats lo 19 de febrièr de 2017 a Narbona, a una letra d'intencion entre las doas institucions.

Aquela letra prefigura un accòrd que debriá èsser signat dins l'estiu.

blason-region-occitaniaLa region Occitània ganhèt entre 2008 e 2013, segon l'INSEE, mai de 50 000 estajants per ans.

Lo creis se concentre en zona urbana : Tolosa, Montpelhièr, Perpinhan, Nimes. Las zonas de montanha veson lor population demesir un bricon : Pirenèus, Massís Central, Montanha Negra.

lenga-occitana-convencion-2017-01-2626/01/17 - Signatura a Tolosa per la ministra de l’Educacion Nacionala, Najat Vallaud-Belkacem, de la convencion cadre per l’ensenhament de l’occitan.

Aquela convencion establida per l'Ofici Public per la Lenga Occitana (OPLO) s'aplicarà a las doas regions membres d'aquel ofici : la region Nòva Aquitània e la region Occitània. S'aplicarà dins cinc acadèmias.

assemblee-nationaleLa FELCO comunica sus l'activitat dels deputats occitans a l'Assemblada Nacionala, especialament sus lors presas de paraula en rapòrt amb de tematicas lingüisticas.

Menèron l'enquèsta sus la legislatura que s'acaba en 2017.

mucem-marselhaLo 17 de decembre de 2016 davant lo MUCÈM a Marselha, a l'initiativa de Danís Capian, qualques occitans manifestavan per demandar que la lenga occitana siá emplegada per la comunicacion del musèu que presentava alara l’article catòrze de la Declaracion Universala dels Dreches Umans. Aquela èra escricha dins mantunas lengas, pas en occitan.

cirdoc21/11/16 - Lo departament de Tarn signèt una convencion amb lo CIRDÒC - Pòl associat a la Bibliotèca Nacionala de França (BNF), lo CIRDÒC es una mediatèca publica especializada sul patrimòni occitan. Salvagarda e valoriza mai de 150 000 òbras, met a disposicion de sos partenaris mòstras e suspòrts d'informacions, assegura tanben de formacions professionalas pels bibliotecaris.

cirdoc-201614/11/2016 - En seguida de la decision del municipi de la comuna de Besièrs e de son cònsol màger Robert Ménard, d'arrestar de finançar lo CIRDÒC, l'associacion Iniciativa per Occitània comunica.

Lo Centre Interregional de Desvolopament de l’Occitan (CIRDÒC) a Besièrs es un establiment public gerit per un sindicat mixte dobèrt. Es installat dins lo quartièr universitari de Besièrs, dins un bastiment modèrne de 900 m2.