Al mes de julhet de 2017 Sono Motor presentava una veitura electrica equipada de panèls solars : se pòt recargar soleta, per poder far fins a 30 km per jorn.
Per los que fan pauc de quilomètres, adieu la pompa, segur, mas tanben adieu lo fial per cargar.
Se pòt tanben cargar normalament. L'autonomia maximala prevista s'amonta alara a 250 km.
Aquela veitura nomenada Sion serà comercializada en 2019 per quicòm coma 16 000 èuros. L'entrepresa, una startup que se consacra a la mobilitat sens petròli e sens emission, es basada a Munich en alemanha.
Los particulars pòdon investir dins l'aventura sus la plataforma de finançament participatiu dubèrta lo 19 d'agost de 2017 [aquí]
Caracteristicas tecnicas :
- Prètz : environ 16 000 èuros
- Autonomia prevista : 250 km
- Bateriá de 30 kWh
- Poténcia : 80 kW
- Pòt tractar fins a 750 kg
