La societat General Fusion desvolopa dempuèi mai de vint ans una tecnica per produsir d'energia electrica : la fusion nucleara a tòca magnetizada (Magnetized Target Fusion, MTF).
Cossí tot aquò fonciona ?
- Un plasma d'idrogèn, tòca magnetizada, es injectat dins una esfèra emplida de metal liquid, sovent una mescla de liti.
- Los pistons situats a l'entorn de l'esfèra, s'activan per comprimir rapidament lo metal liquid. Aquò esclafa lo plasma al centre, augmentant la temperatura e la pression entrò que la reaccion de fusion debute.
- Lo metal liquid servís a l'encòp a protegir las parets de la maquina de la radiacion e a absorbir la calor intensa produsida per la fusion per generar de vapor e produisir d'electricitat.
L'entrepresa qu'a per ambicion de desvolopar e de comercializar d'energia de fusion nucleara dispausa d'un primièr demonstrator, Lawson Machine 26 (LM26) dempuèi 2025, e prevei de poder produsir industrialament d'energia de fusion en 2035.
General Fusion es una entrepresa tecnologica canadiana, fondada en 2002 e basada a Richmond prèp de Vancouver en Colómbia Britanica. Intrèt suls mercats financièrs al mes de junh de 2026.
General Fusion es un actor de mai dins lo domèni de la producion d'energia electrica mercés a la fusion nucleara, cotria amb Helion Energy o GenF.
