Blòg. René Merle nos presenta l'istòria de la cançon La Libertat pareguda dins lo jornal provençal La Sartan en 1892 [ligam]

Tu que siás arderosa e nusa
Tu qu'as sus leis ancas tei ponhs
Tu qu'as una votz de cleron
Uei sòna sòna sòna a plens parmons
Ò bòna musa

[...]

Novembre de 2010, la FELCO comunica.

Avèm aprés amb emocion e tristessa la despartida d'Elèna Gracia-Cabanes a l'edat de 91 ans.

Desapareis amb ela un tròç de l'istòria de la lucha longa per l'occitan dins l'Educacion Nacionala. Mestressa d'escòla tre las annadas 40, ja engatjada dins la practica de la pedagogia inventada per Celestin Freinet, es lèu conscienta de l'importància de la presa en compte de la lenga dels mainatges, l'occitan dins sa region.

Sus l'istòria de l'ensenhament de l'occitan a l'Universitat de Tolosa.

La romanistica qu’es a l’encòp un movement de cercaires e l'ensems dels estudis consagrats a las lengas romanicas en diacronia e en sincronia, foguèt lo vector dels estudis occitans a l'universitat de Tolosa. Es dins l’encastre d’aquela disciplina que s’es establit e desvolopat l’ensenhament de çò que sonam al jorn de uèi l’occitan a l’universitat de Tolosa.

A París, tres estagis-talhièrs-bals de danças e de cants de Gasconha, Bearn, Carcin, Auvèrnha, son organizats per François Maltrud e Evelyne Lagriffoul (Delai l'Aiga). Los dimècres 17 e 24 de novembre e lo 1èr de decembre de 2010 dins l'encastre dels "Mercredis d'Alésia" de 20 oras 45 a 22 oras 45 a l'OEPF, 5 carrièra del Molin Verd - 75014 Paris - m° Alésia, bus 38 e 62, participacion financièra : 10 € una sesilha, 20 € las 3 sesilhas.

Entresenhas  :  Evelyne 01 43 94 26 14

Aprenem l’occitan es una campanha de promocion dels corses d’occitan per adultes a l’iniciativa dels Centres de Formacion Professionala Occitans, de l’Institut d’Estudis Occitans e de l’Escòla Occitana d’Estiu. Es sostenguda pels Conselhs Regionals Miègjorn-Pirenèus, PACA, Ròse-Aups, Peitau-Charanta, pels Conselhs Generals de Tarn, Òlt e Tarn e Garona, per la comunitat d’aglomeracion Peirigordina, la comunitat d’aglomeracion Besièrs Mediterranèa e lo Ministèri de la Cultura e de la comunicacion.

Lo site es [aquí]

L'associacion valenciana Òc-Valéncia publica una edicion numerica de la dicha de Tolosa (1416) de Sant Vincent Ferrer (presentacion en catalan tèxt original en occitan) [ligam]

Tanben de conéisser l'edicion de l'Ecole des Chartes (presentacion en francés tèxt original en occitan) [ligam]

Del 10 de novembre al 4 de decembre de 2010, fèstas a Marselha, Lo Liame presenta : lo Festenal dels Mediterranèas (Mauresca, Gigi de Nissa, Aqueles, Lou Dalfin, Lo Terralhet, Fouad Didi, l'Anima Lotta...) [ligam]

L'IDECO comunica. "IEO edicions, pichòtas novèlas del front..."

[ligam]

Document : la mapa d'Avairon de l'IOA. Per escriure coma cal lo nom de las vilas e dels vilatges de Roergue

[ligam]

24-10-2010 Georges Frêche es mòrt. Punt de vista sus l'òme per liberation.fr, rue89.fr, figaro.fr

Lo darrièr CD de Flor Enversa ven de sortir : Senher Dalfin, las cançons del trobador Peirol e de Na Castelosa. Flor Enversa (Thierry Cornillon, Domitille Vigneron, Olivier Feraud) ligam

Collòqui de 2010 de l’Institut d’Estudis Occitans : lo desvolopament de l’acuèlh bilingüe dins lo domeni de la petita enfança. Lo 26 & 27 novembre de 2010 a l’IUFM de Privàs (07).

Lo dissabte 20 de novembre de 2010 assisas de l’imatge animat en occitan al CIRDÒC de Besièrs.

La Delegacion del Govèrn de Catalonha en França festejarà lo 21 d'octobre de 2010 l'oficializacion de la lenga occitana en Catalonha en preséncia del vicepresident del Govèrn de Catalonha Sr. Josep Lluis Carod Rovira.

La lenga occitana es oficiala en Catalonha, vaquí lo tèxt de la Lei der occitan, aranés en Aran .pdf [ligam]

Extrach p2 : "L’oficialitat de la lenga occitana es estada una hita importanta en lo nòu Estatut de Catalonha : d’una banda, perque constituissi un acte de justícia istorica e de reconeissença de la pluralitat lingüistica de Catalonha (e de l’especificitat nacionala que supausa la Val d’Aran), e, de l’autra, perque servís d’exemple positiu per d’autras nacions amb minoritats istoricas arreu d’Euròpa.

Per parlar la lenga a Tolosa, informacion :

"Lo cafè de las lengas Occitan-Catalan entamena una novèla sason a Tolosa. Per los que conèisson pas, lo concèpte es simple : de monde se recampan dins un bar un o dos còps per mes, per charrar, beure de còps, parlar occitan o catalan e rescontrar de monde. Es dubèrt a totes sens restriccion d’atge, de sèxe, de classa sociala o de nivèl de compténcias en lenga (los que debutan dins l’aprendissatge d’aquelas lengas coma los locutors confirmats son totes los planvenguts). La tòca es de crear lo temps d’una serada un espaci convivial per parlar en occitan o en catalan e per faire que las gents se rencontren e escambien. Sètz totes coralament convidats. Se passarà doncas lo dimars 19 d’Octòbre al Cafè de las Facultats, Plaça del Peiron (es a cima de la Carrièira de las Leis a mièg camin entre lo Capitòli, Sant-Sarnin e l’Arsenal)."

Conferéncias a Tolosa : lo cicle de conferéncias DMOO - Dimècres del Miralh a l'Ostal d'Occitània - se debanarà per la tresena annada consecutiva a l'Ostal d'Occitània (del mes d'octobre de 2010 al mes de mai de 2011). L'objectiu de la programacion es de far coneisse las fruchas de las recercas menadas sus la matèria occitana dins las universitats francesas, europencas e mondialas, literatura e civilizacions medievala, modèrna (sègle XVI), contemporanèa (sègles XIX, XX), lingüistica, etnologia, sociolinguistica comparada...

Lo programa en .pdf aicí lo site web del Miralh [ligam]