A la fin del mes de genièr de 2019 foguèt organizada a Barcelona la Dictada occitana. Lo Centre d'Afrairament Occitano-Catalan (CAOC) que l'organizava comunica :

Dissabte 26 de genièr de 2019 s’es debanada a Barcelona la XXIIena Dictada occitana, dins la sala de conferéncias del Departament de la Cultura de la Generalitat de Catalonha (Rambla de Santa Mònica, 8). A balhat la planvenguda a totes la Directora General de Política Lingüística de la Generalitat de Catalunya, Ester Franquesa e la presidenta del CAOC, Núria Ontiveros.

I an participat mai de ueitanta (86) personas.

Òm ausiguèt d’en primièr un messatge e una salutacion de Bernat Vernhièras, professor d’occitan, seguida de la lectura de la dictada pel professor Vernhièras. Es alara que comencèt lo concors, amb doas lecturas del tèxt de la Dictada faitas pels professors d’occitan del CAOC Jaume Figueras e Thiago Mòri.

Aquesta Dictada occitana foguèt presidida per la Directora de Politica Lingüistica, Ester Franquesa. Tanben, demèst los participants a la Dictada en Barcelona i èra Xavier Moral, lo responsable d’afars occitans de la Generalitat de Catalonha.

La Dictada finida, una jurada compausada pels professors e pels ensenhaires d’occitan faguèt la correccion dels trabalhs dels participants. Après la Dictada, los participants poguèron gaudir d’un vespralh. A la seguida, danças e après un concèrt a 17 oras amb lo grop de musica occitana Mirabèl.

Fin finala, arribèt lo moment de conéisser los ganhants d’ongan. Los representants de la jurada legiguèron los noms dels diferents premiats, que son :

Adultes

  • Primièr prèmi : Xavier Rebled
  • Segond prèmi : David Ferré
  • Tresen prèmienbsp;: Joan Calsapeu

Dròlles

  • Primièr prèmi : Mariona Calsapeu
  • Segond prèmi : Júlia Cuenca

Professional

  • Primièr prèmi : Ferran Hidalgo

An collaborat a aquela edicion de la Dictada Occitana los Departaments d’Ensenhament e de Politica Lingüistica de la Generalitat de Catalonha, Ara Llibres, Associació Llengua Nacional, Betevé, Casa Graupera, Caves Raventós Rosell, CNL Barcelona-Gràcia, Edicions Sidillà, Éditions des Régionalismes, Editions Trabucaire, Editorial Barcanova, Espai Vilaweb, Fent País Cooperativa, Fundació Enciclopèdia Catalana, Grup62, La Vanguardia, Letras d’òc, Macarel, Òmnium Cultural, Pagès Editors, Per Noste Edicions, Plataforma per la Llengua, Publicacions Abadia de Montserrat, Productes de la Terra, Sàpiens Publicacions.


Robèrt Martí sul diccionari de Loís Alibèrt (1988)

Diccionaire occitan-français de Louis Alibert

Testimoniatge de Robèrt Martí sul diccionari de Loís Alibèrt.

Frederic Mistral sus Victor Gelu (1886)

Victor Gelu

En 1886 sortissiá en dos volums las òbras complètas de Victor Gelu amb un prefaci de Frederic Mistral.

Union Europèa : ajudas a la infrastructuras de transpòrt

Ralh ferroviari

Lo dijòus 22 de junh de 2023 la Comission Europèa comunicava sus la politica de l'Union en matèria de transpòrt. Son 6,2 miliards d'èuros que seràn investits dins las infrastructuras.

Lo grelhon, lo lop e las abelhas : un conte de Justin Bessou

Detalh d'una gravadura de Tavy Notton (1914-1977) sus la vida de las abelhas

Lo grelhon, lo lop e las abelhas es lo primièr tèxt dels Contes de la Tatà Mannon de Justin Bessou.

Sul libre 'S.T.O' de Régine Hugounenq

sto

En 2019 sortissiá lo libre S.T.O - Lo tust de tres letras de Régine Hugounenq. En novembre la revista de la metropòli de Montpelhièr ne fasiá la presentacion.