La plega IEO de 2023 es en soscripcion. Quatre libre son publicats ongan dins la collecion A Tots dedicada a la pròsa occitana contemporanèa. Collection que, festeja sos cincanta ans d’existéncia.

La soscripcion es mai que tot un biais per l'IEO de finançar l’edicion occitana. Es tanben una faiçon agradiva, en crompant l’ensemble dels quatre libres a un prètz redusit, de partir a la descobèrta dels autors, de lor univèrs, emai de la varietat e de la riquesa de la lenga occitana.

*

Entrelusidas de vidas de Bernadeta Romieu, recuèlh de nòvas (A Tots n° 233. 168 p. 15 €).

Lo secret del licièr, Lo silenci de Samuèl, qu’a montat son talhièr de licièr au retorn d’Auchwitz ; Lo soldat de l’Avent, que tòrna de la guerra de 14-18 ; lo Dançaire de las tèrras nautas, que tòrna dins sa familha per la mòrt de son paire. Tres destins, tres novelas per l’autora de A l’ombra dels cerièisses bèles.

*

Labyrinthos d'Alan Maury, roman (A Tots n° 236. 72 p. 10 €).

La sala d’espèra d’una gara es tostemps un luòc estranh ont se crosan mantun destins. L'encontre entre dos èssers a las istòrias personalas diferentas los va menar dins un periple azardós semenat de caos, de revòltas, de mistèris. Lo primier roman fantasiós, d’Alan Maury. Publiquèt un recuèlh de poèmas e de nòvas al Grelh Roergàs en 2018, Cants de Rance.

*

La Distanciacion de Sèrgi Gairal, roman (A Tots n° 234. 164 p. 15 €).

Le desir d’èsser maire, la dificultat de la maternitat, las inquietudas de l’educacion entre proteccion e libertat. Lo destin quotidian d’èsser parent. Lo novèl roman de l’autor de Delà la mar, Lo barracon, Un estiu sus la talvera...

*

Los Beatles de Sant Çubran, roman de Michel Fraysse (A Tots n° 235. 160 p. 14 €).

Las aventuras d’un grop de musicians tolosans, entre esper, dificultat materiala e tensions relacionalas, en camin per un concors d’interpretacion de las chançons dels Beatles. Lo primier roman en occitan de Michel Fraysse, en mena de road movie.

*

Lo prètz de la soscripcion per los quatre libres es de 46 €, fraises de mandadís inclús. Es dobèrta fins al 30 de junh de 2023, e la parucion es previsda a la fin de junh.


Joan Fourié sus Renat Nelli (1982)

Renat Nelli (René Nelli)

Un tèxt de Joan Fourié publicat dins la revista Aicí e ara (mai de 1982).

Presentacion del libre 'L'épopée cathare' de Michel Roquebert

L'épopée cathare, Michel Roquebert

En 1970 editat per Privat a Tolosa sortissiá lo primièr tòme del libre de Michel Roquebert, L'épopée cathare.

Ajuda militara a Ucraina : Caesars e missils AASM

Missil AASM

Lo 18 de genièr de 2024 lo ministre de la defensa francés Sébastien Lecornu anoncièt un cèrt nombre de mesuras per ajudar Ucraina dins sa lucha contra l'occupant rus.

Max Roqueta e lo roman

Mièja-Gauta

Lo tèxt çai-jos es extrach de la plaqueta de presentacion de la mòstra : Max Roqueta, la libertat de l’imaginari, que se debanèt en 2014 e 2015 a Montpelhièr.

Subre lo festenal de l'universitat Joan Jaurés 'L'Occitan fa punk' de 2022

L'occitan fa punk, Tolosa, 2022

Dins son edicion de novembre de 2022, lo jornal de la comuna de Tolosa, À Toulouse presentava lo festenal L'Occitan fa punk.