Prèmis 'Enric Garriga Trullos' e 'D'Aura en aura'

Lo Centre d'Afrairament Occitano-Catalan, lo CAOC, organiza cada an dos prèmis : lo prèmi Enric Garriga Trullos dedicats al tèxtes de ficcion corts e D'Aura en aura dedicat als ensages.

L'edicion 2024/2025 es acabada. Lo 18 de mai de 2025 los organizators an comunicat sus aquesta edicion e desvelat lo nom dels premiats.

Pel prèmi Enric Garriga Trullos lo 1^ièr prèmi es estat autrejat al raconte titolat, La fòla del cinquen solièr, signat jos l’escaisnom de Tam : Tamara Bayonne-Tchicaya.

Lo 2^nd prèmi, ex-aequo, als racontes titolats, Lo mistèri del gat, signat jos l’escaisnom de Lo Vidalon : Alan Vidal ; e Pèira preciosa, signat jos l’escaisnom de Maria Lodetti : Chloé Cayssials.

Lo 3^en prèmi es estat autrejat al raconte, Miracle pels pès, signat jos l’escaisnom d’Arthur Calvet : Baptiste Marre.

I aguèt vint-e-nòu participants.

Pel concors d’ensages D’aura en aura, lo 1^ièr prèmi reven a Patrimòni esvanit que nos ditz d’ont venèm, signat jos l’escaisnom de Beluga : Marineta Mazoyer.

Lo 2^nd prèmi es autrejat a Appenzell o l’eleccion de Miss Vaca, signat jos l’escaisnom de XXLX : Alan Clarac.

Per aquel prèmi la jurada reçaupèt sonque quatre tèxtes.

Lo CAOC aprofiechèt d'aquesta comunicacion per dire qu'organizariá una edicion l'an que ven.