Lo CIRDÒC comunica - Dissabte 14 de genièr de 2017 de 18h a 22h al CIRDÒC : Lo Viatge immobil, primièra edicion de la Nuèch de la lectura.
Anatz faire lo torn del mond
A l'escasença de la 1èra Nuèch de la lectura, un rendètz-vos novèl lançat lo 14 de genièr pel Ministèri de la Cultura, lo CIRDÒC propausa una granda velhada dedicada al viatge, al rencontre e al dialòg de las culturas a travèrs la literatura, las lengas e las arts.
Dissabte 14 de genièr de 2017 : Cèus (92), sala del primièr, cinèma Le Trianon, 3bis, rue Marguerite Renaudin.
14h15, la majorala Peireta Bérengier parlarà del Felibritge dins las trencadas (1914-1918). Per acabar, festejarem los reis amb las còcas tradicionalas dels païses nòstres.
Extraches de l'article de Robèrt Lafont publicat dins la revista OC, numèro 208-209-210, abrial-decembre de 1959.
L'universitat de Tolosa-Joan Jaurés presenta lo programa 2016-2017 dels Dimècres Universitaris Occitans e Catalans (DUOC).
D’especialistas d’universitats francesas, europencas o americanas venon presentar lors darrièrs trabalhs sus la lenga l’istòria o la literatura occitanas e catalanas. Aqueles rescontres, dobèrts a totes, son organizats per l’Universitat Tolosa-Joan Jaurés (Seccion d’Occitan e Seccion de Catalan) amb lo sosten del CELO (Centre d’Estudi de la Literatura Occitana), del CREO-MP (Centre Regional per l’Ensenhament de l’Occitan en Miègjorn-Pirenèus) e de la Region.
L’IEO d'Avairon comunica - L'IEO 12 vos convida al rencontre « a la descobèrta d’una òbra » lo dimècres 7 de decembre de 2016 a 18 oras, a l’Ostal de las associacions (Av. Tarayre, Rodés) : Imbèrt de Salas, aparaire de Montsegur de Bernard Mahoux e Jean-Louis Biget, revirat en lengadocian per Jòrdi Raffanel, Joan Antòni Costumero, Jòrdi Blanc. Publicat per Vent Terral en 2016.
Lo CIRDÒC comunica - Lo 1ièr de decembre de 2016 a partir de 18h, dins l'encastre de l'edicion de 2016 de la Setmana Calabresa, Tafanari e lo CIRDÒC vos convidan a una serada de conferéncias e de fèsta a l'entorn del patrimòni musical de l'arc nòrd mediterranèu, de Catalonha fins a Calàbria, en passant per Occitània.
28/11/16 - L'IEO comunica - En 2016, leis subvencions per l’IEO tant de l’Estat coma dei collectivitats territorialas, dau fach de la reforma territoriala, an baissat. Son ansin 30 000 €, siegue 25 % deis subvencions balhadas a l’associacion que mancan : arrèst de la subvencion deis regions Auvèrnhe (non compensada) e Provença-Aups-Còsta d’Azur, e baissa de 33 % de l’ajuda de l’Estat (DGLFLF).
Lo primièr seminari Lengas e poders del 12 d'octobre de 2016 a l'Ostal d'Occitània a Tolosa portava sus l'istòria e sus la lenga de Nòva Zelanda. Los organizators ne publican lo resumit. Extrach :
La lenga [...], Te reo māori, fa part de l’ensemble de lengas maori de Polinesia (el meteis part del grand ensemble de las lengas autronesianas). Dins sas variacions dialectalas, demora encara pròcha de l’ensemble polinesian d’ont venián los primièrs estajants, vist que Tupaia, un òme de l’iscla de Ra’iatea qu’acompanhava Cook la posquèt comprene e la revirar mai o mens sul pic. [...]
En 2015 sortissiá lo libre Lorsque la poésie fait le souverain, Étude sur la Chanson de la Croisade Albigeoise.
Un article de Joan Fourié dins la revista Lou Felibrige septembre/octobre de 2006.
Sus Federico Garcia Lorca un article de Marie-France Fourcadier dins la revista Canta Grelh (108 - Junh de 2016)
¡ Ay ! Federico García,
llama a la Guardia Civil !
... mas respondèron los fusilhs...
Aquel marrit jorn d'agost de 1936 se calèt un rossinhòl andalós. Aviá 38 ans. Aquò fa 80 ans que s'escantiguèt la lutz qu'esclairava la poesia, lo teatre. La luna marrida emportèt l'estela que brilhava al cèl del mond de las arts. Es estat traït, e mòrt, l'an tuat, l'an assassinat coma un bandit, un volur ; daissèron son còrs dins un avenc, pas luènh de sa vila, Granada, al ras d'una font. Aynadamar, la Font de las Lagremas...
Lo Grelh roergàs comunica – Es sortit dins l'estiu de 2016, lo libre 142 jours dans un masuc de l'Aubrac, de dos Grelhons : Paul Fournier e Patricia Pallier.
Paul Fournier, ancian montanhièr, conta sa premièra estiva coma rol dins un masuc de l'Aubrac, lo Trap de La Menta, al ras de la Crotz de la Ròda. Èra en 1949, aviá pas que quinze ans. Del 25 de mai al 13 d'octobre, pendent 142 jorns, aqueles òmes vivián sols al mièg de lor tropèl d'aubracs, atalats a la fabricacion de la forma d'Aubrac.
J. P. Cavaillé presenta lo blòg Lengas e Poders. I trobarètz los comptes renduts dels seminaris de l'annada 2015/2016.
Presentacion - "L’annada escolara passada [2015/2016], a mon iniciativa, s’es dubert un pichon seminari (que demanda pas qu’a venir grand !) de forma e de nivèl universitari en occitan a l’Ostal d’Occitània de Tolosa, 11 rue Malcosinat. Mercegi en primièr l’Ostal per son acuèlh e son ajuda e totis los participants, e en particulièrs totis los que son vengut regularament animar e portar lor contribucion.
Sus las castanhas, un article de Robèrt Sauvezon de l'Ostal de la Castanha e del Castanhièr, a Sant Martin de Bobau en Losera dins l'Armanac de Mesclum de 2004.
La respelida de la castanha
Respelida de la castanha... Respelida de la Cevena... Respelida de la lenga d'Òc ? Lo títol es emfatic. Es permés de pantaisar. E pasmens i devèm crèire. Se l'òm parla de respelida - e dirai mai prosaïcament, de renovacion - de la castanhareda, es que dempuèi un sègle pauc o mens, lo castanhièr a pas jamai quitar de s'aborrir.
La FLAREP comunica. Extrach :
Del 22 al 24 d'octobre se tendrà a Montpelhièr lo collòqui de la Federacion dels ensenhaires de lenga e cultura d'òc (FELCO).
Los collòquis FLAREP, en mai d’èsser un luòc de reflexion, son tanben l’escasença de rescontrar d’associacions d’ensenhaires e de parents d’escolans de las autras lengas de França : i descubrissèm de situacions diferentas o semblantas a la de l’occitan. Son ja estats organizats per la FELCO a Albi en 1989, Montpelhièr en 1994, Vilanòva d’Òlt en 2000 e Sant Africa en 2008. [...]
Sul poèma epic en occitan del XIVen Roland a Saragossa.
Un article de Juli Veran dins l'Armana Prouvènçau de 1921, pagina 23. Ortografia modernizada. Las nòtas son de Occitan París.
Dissabte 8 d’octobre de 2016 : 14h15, Cèus (92), sala del primièr, cinèma Le Trianon, 3bis, rue Marguerite Renaudin. Conferéncia subre Pierre Devoluy (Colonel Paul Gros-Long, 1862-1932), politecnician, oficièr del Genia, poèta simbolista, Capolièr del Felibritge de 1901 a 1909 après son eleccion al majoralat en 1900 (Cigalo de Seloun), autor d'una Istòri naciounalo de la Prouvènço e dóu Miejour di Gaulo, per Pierre Fabre, rèire capolièr.
Un article de Cristian Rapin dins Lo Lugarn numèro 86-87, auton de 2004.
En 2016 l'editor Vent Terral tornava editar Lo libre del causse de Pau Gayraud.
Membre de l'Union Europèa dempuèi 2013, Croàcia emplega dempuèi aqueste 1èr de genièr de 2023 l'èuro coma moneda. De pèças novèlas son donc intradas en circulacion.
Un article de Felip Carbona publicat dins la revista Vida Nòstra en 1972, sus l'emplec de la lenga occitana en sciéncia.
Un article de la revista del consèlh regional d'Occitània de decembre de 2018 e genièr de 2019.