Fiat ven de desvelar çò que serà la futura 500 electrica.
Deviá èsser presentada al salon de l'automobila de Genèva mas aqueste es estat anulat per causa d'epidemia de Covid-19. Pr'aquò lo constructor presentèt la version finalizada del veïcul a Milan en març de 2020.
Seisanta tres ans après la sortida del primièr modèl la Fiat 500 se podrà donc crompar en version zèro emission. Prendrà alara lo nom de 500e.
Serà dotada d'una batariá de 42 kWh. Capacitat puslèu important per una automobila de la talha de la 500. L'autonomia prevista en cicle WLPT serà de 320 km.
La firma anóncia una poténcia de 87 kW per una velociatat maximala de 150 km/h.
Lo design exterior demòra fidèl a l'actual : simple, sòbre, tot en simplicitat e en elegància. L'interior el s'epura.
Lo veïcul se posiciona clarament sus lo naut de gama amb un pres anónciat de 30 000 èuros.
La 500e serà comercializada tre lo mes d'octobre de 2020.
