Ongan los Rescòntres occitans en Provença organizats per l'IEO e lo CREO-Provença, se debanaràn al centre de vacanças « Le Brudou » del diluns 31 de julhet (acuèlh a 19h) al diluns 7 d’agost de 2017.

Las tematicas dels talhièrs organizats son multiplas : lenga pel teatre, patrimòni, dança, toponimia, escrich e oralitat, cant, conte, environament, musica, cosina...

E los animators nombroses : Joan-Pèire Baquié, Chantau Forniller, Joan-Pèire Spies, Rotland Pecot, Eliana Tourtet, Joan Marotta, Mario Leccia, Nicolas Lelong, Mirelha Alliaud, Jòrgi Camani, Celina Baquié, Felip Martel, Pèire Brechet, Bernat Roche, Joan Marotta, Nicolas Lelong, Choa Braxmeyer, Regina Baquié...

Presentacion dels organizators : « Lei Rescòntres Occitans en Provença son duberts en totei... pichons e grands, occitanofòns ò non, natius dau país d'òc ò non... simples curiós d'una lenga e d’una cultura desconoissudas ò saberuts de la question occitana ; actors associatius urós de se rescontrar, d’escambiar, de confrontar, de comparar sei biais de faire, de l’i trobar l’envam e l’estrambòrd que lei sostendràn puei tot de lòng de l’annada dins son accion... benevòles ò professionaus ; particulars que se vòlon faire plaser dins un luec de convivialitat occitana...

« Lei Rescòntres se vòlon : un luec de pratica volontarista de la lenga, d'ajuda a la formacion, de descubèrta de la cultura occitana dins tota sa diversitat... un luec de reflexion, d'escambis, de mesa en comun d'experiéncias e d'informacions, de projèctes, d'espèrs... un luec de rescòntre e de convivialitat.

« Aquest an encara leis estagiaris auràn la chausida entre : seguir un atalier sus un solet tèma tres jorns a-de-reng, coma de costuma, ò seguir quauqueis ataliers "mesclum" sus de tèmas diferents per jornada ò mieja-jornada. Mai se pòt totjorn chausir de demorar de lònga dins un solet atalier emai s’es signalat coma "mesclum" ; mai saupretz qu’auretz pas totjorn lei meteissas personas amb vautrei dins lo grope. »

[desplegant]

« Le Brudou » (altituda : 1100 mètres), Pont du Fossé, 05260 Saint-Jean-Saint-Nicolas.


Sus la Cançon de Santa Fe

Letrina Cançon de Santa Fe

Un article de la revista La Cigalo Narbouneso (abril de 1927, pagina 49). Autor : P. Albarel. L'ortografia del tèxt es estada corregida.

Las lengas de l'Union Europèa

En 2013 sortissiá lo libre de Jaume Corbera Pou, La Unió Europea, un mosaic lingüístic. Dins lo jornal La Setmana numèro 1001 Joan-Claudi Forêt ne fasiá la critica.

Union Europèa : ajudas a la infrastructuras de transpòrt

Ralh ferroviari

Lo dijòus 22 de junh de 2023 la Comission Europèa comunicava sus la politica de l'Union en matèria de transpòrt. Son 6,2 miliards d'èuros que seràn investits dins las infrastructuras.

Conte : 'Lo meu ostal' de Joan Bodon

Plancat

Lo recuèlh Contes del meu ostal de Joan Bodon sortiguèt en 1951.

Agricultura : per estalviar l'aiga, lo palhatge

Palhatge dins un òrt

Aurelian Chaire dins l'enscastre de sos estudis en agricultura anèt trabalhar en Casamança. Dins l'edicion del 11 al 17 d'abril de 2014 del jornal La Setmana, presentava la tecnica del palhage.