Claudi Martí 'Retorn' 2023
Lo disc 'Retorn' de Claudi Martí tal que previst

Es en preparacion l'edicion del disc Martí Retorn. Aqueste serà la reünion de tretze cançons de Claudi Martí registradas en estúdio.

Dos formats son prevists : CD e vinil. L'interpretacion e l'accompanhament son estats modernizats. Al mes de julhet de 2023 las cançons èran prèstas mancavan pas qu'un pauc de moneda per produsir los discs.

Per los que vòlon ajudar lo projècte un pagina totsuma li es dedicada.

Las cançons son estadas registradas per Olivier-Roman Garcia al Chantier de Correns en Provença e masterizats per Jordane Tanzi.

Lo grafisme es degut a l'Estudio Muto e Josep Ramon Canellas.

Al delà de Claudi Martí al cant, la distribucion artistica es la seguenta :

  • Gérard Pansanel : guitarra fòlk, mandolina e votz ;
  • Pierre Peyras : contrabassa e cant ;
  • Olivier-Roman Garcia : guitarra nilon, bozoki e votz ;
  • Mélanie Arnal pel violon dins Tu mon vilatge.

L'iniciativa provent del labèl catalan Sota la Palmera amb lo sosten de l'Ostal d'Occitània de Tolosa e de Convergéncia Occitana.

Lo tiratge es previst a 1 000 exemplaris.

Fàcia A :

  • Tu mon vilatge
  • L'an 01
  • Perqué m'an pas dit
  • Tres vidas
  • La caça de la quimèra
  • Un país que vòl viure

Fàcia B :

  • Montsegur
  • L'òme-espèr
  • La bòrda
  • La cançon de Marcabrun
  • Vaquí qu'un ser
  • Occitania saluda Cuba
  • Se canta

Lo grelhon, lo lop e las abelhas : un conte de Justin Bessou

Detalh d'una gravadura de Tavy Notton (1914-1977) sus la vida de las abelhas

Lo grelhon, lo lop e las abelhas es lo primièr tèxt dels Contes de la Tatà Mannon de Justin Bessou.

Viure 1965 : Revolucion Occitana

La revista Viure fondada en 1964 foguèt pendent un desenat d'ans lo luòc d'expression privilegiat per la critica, las analisas, l'expression d'una pensada occitana liura.

Ajuda militara a Ucraina : Caesars e missils AASM

Missil AASM

Lo 18 de genièr de 2024 lo ministre de la defensa francés Sébastien Lecornu anoncièt un cèrt nombre de mesuras per ajudar Ucraina dins sa lucha contra l'occupant rus.

Suls libres de Joan-Ives Casanòva 'Trèns per d'aubres mòrts' e 'A l'esperduda dau silenci'

'Trèns per d'aubres mòrts' e 'A l'esperduda dau silenci'

En 2007 sortissián dos libres de Joan-Ives Casanòva : Trèns per d'aubres mòrts e A l'esperduda dau silenci.

Robèrt Lafont : Laus de Provença (2007)

Nimes

Dicha de Robèrt Lafont a l'ocasion de la remesa del Grand prèmi literari de Provença en 2007.